ТӨРИЙН БАЙГУУЛАЛТЫН ЭКСПЕРТИЙН ЗӨВЛӨЛД УРЬЖ БАЙНА.

Төрийн байгуулалтын экспертийн зөвлөл нь төрийн байгууллын чиглэлээр судалгаа хийдэг институт, судалгааны байгууллагын судлаач, шинжээчид болон бие даасан бодлогын судалгааны судлаачдаас бүрдэх төрийн байгуулал, засаглалын хэлбэр болон төрийн удирдлагын чиглэлээрх мэргэжлийн зөвлөх баг юм.

Энэхүү зөвлөх баг нь Монгол Улсын төрийн байгуулалтай холбоотой тодорхой нэг сэдвийг сонгон авч шинжлэх ухааны суурь судалгаанд тулгуурлан бодлогын судалгаа, иж бүрэн зөвлөмжийг жил бүр боловсруулах зорилготой бөгөөд 2017 оноос эхлүүлсэн уг төсөлд энэ ажлыг эрхлэх судлаачдыг Конрад-Аденауэр-Сангаас дэмжин МУИС-ийн Улс төр судлалын тэнхимээс нээлттэй зарлаж хоёр байгууллагын хамтарсан зөвлөхүүдийн баг сэдвээ дэвшүүлсэн судлаачдаас сонгон шалгаруулж "Үр нөлөө бүхий нутгийн удирдлагын тогтолцоо" сэдвээр хийгдэж, 2018 онд "Монгол Улсын төрийн байгуулал дахь засаглалын институтын талаарх судалгаа” сэдвээр бодлогын судалгааг боловсруулан гаргасан билээ.

"Панел Өгөгдөл Ашиглах Дөхөм Арга" семинар болно.

МОНГОЛ УЛСЫН ИХ СУРГУУЛИЙН ШИНЖЛЭХ УХААНЫ СУРГУУЛЬТАЙ ХАМТРАН IRIM СУДАЛГААНЫ ХҮРЭЭЛЭНГЭЭС ДАРААХ СЕМИНАРЫГ ЗОХИОН БАЙГУУЛАХ ГЭЖ БАЙНА.

Сургагч багш: IRIM-ийн зөвлөх, доктор Д.Лхагвасүрэн

Хэнд зориулсан: Панел өгөгдөлтэй ажиллах, энэ чиглэлийн анхан шатны мэдлэг эзэмшиx хүсэлтэй багш, судлаач, ахлах дамжааны оюутан, магистрант, докторант нар, мөн бусад мэргэжилтнүүд оролцох боломжтой.

Хэзээ, хаана: 2018 оны 5 сарын 21, 14:00 цагт Монгол Улсын Их Сургуулийн 2 давхрын Номын Сангийн 202 тоот Лекцийн танхим

“ХӨДӨӨГИЙН АМЬДРАЛЫН ХЭВ МАЯГ” ЭРДЭМ ШИНЖИЛГЭЭНИЙ БАГА ХУРЛЫН ЗАР

Зохион байгуулагч: ШУА-ийн Философийн хүрээлэнгийн Социологи, нийгмийн сэтгэл зүйн салбар

Хэзээ: 2016 оны 11 дүгээр сарын 9 өдрийн 09:00 цагаас

Хаана: ШУА-ийн Нэгдсэн II байрны 4 давхарын хурлын зааланд

Хурлын зорилго:

ШУА-ийн Философийн хүрээлэнгийн Социологи, нийгмийн сэтгэл зүйн салбараас 2014-2016 оны хооронд “Хөдөөгийн амьдралын хэв маяг: өөрчлөлт, хандлага” сэдэвт суурь судалгааны ажил гүйцэтгэсэн. Хурлаар суурь судалгааны ажлын үр дүнг эрдэмтэн судлаачдын дунд хэлэлцүүлэх энэхүү эрдэм шинжилгээний хурлыг зохион байгуулж байна.

СУДАЛГАА, ТУРШИЛТ ХӨГЖЛИЙН АЖЛЫГ ХЭМЖИХ НЬ

Шинжлэх ухаан, технологийн статистик судалгааг олон улсын стандарт шаардлагын түвшинд тооцоолж гаргах, судалгаа, туршилт, хөгжлийн ажлыг хэмжих шинэ арга зүй, аргачлалын талаар танилцуулах зорилгоор БСШУСЯ, ЮНЕСКО, ШУА-ийн Философийн хүрээлэн хамтран зохион байгуулж буй “СУДАЛГАА, ТУРШИЛТ ХӨГЖЛИЙН АЖЛЫГ ХЭМЖИХ НЬ” сэдэвт арга зүйн семинар 2016 оны 9 дүгээр сарын 19-нд БСШУСЯ-нд болж өнгөрлөө.

“XXI ЗУУНЫ МОНГОЛЫН НИЙГЭМ: ХӨГЖИЛ, ӨӨРЧЛӨЛТ, ХАНДЛАГА”

МУИС-ийн нийгэм хүмүүнлэгийн ухааны 5 салбар тэнхмийн эрдэмтэн судлаачид, оюутан суралцагсдын оролцоотойгоор Монгол улсад анх удаа нийгмийн харилцааг цогц байдлаар шинжин судалсан судалгааны үр дүнг танилцуулах зорилгоор МУИС-ийн ШУС-ийн Нийгмийн Ухааны салбар сургууль, Социологи, нийгмийн ажлын тэнхмээс “XXI ЗУУНЫ МОНГОЛЫН НИЙГЭМ: ХӨГЖИЛ, ӨӨРЧЛӨЛТ, ХАНДЛАГА” эрдэм шинжилгээний бага хурлыг зохион байгууллаа. 

Нийгмийн интеграци ба задралын үйл явцын зарим асуудал

ШУА-ийн Философи, социологи, эрхийн хүрээлэнгээс зохион байгуулж буй “Нийгмийн интеграци ба задралын үйл явцын зарим асуудал” сэдэвт дугуй ширээний ярилцлага 2014 оны 10 дугаар сарын 31-ны өдрийн 10.00-12.30 цагт ШУА-ийн хүрээлэнгүүдийн нэгдсэн II байр, 4 давхрын хурлын танхимд болно.

ХУРЛЫН ХӨТӨЛБӨР

10:00-10:10 Дугуй ширээний ярилцлагын нээлт

ШУА-ийн Философи, социологи, эрхийн хүрээлэнгийн захирал, академич Г.Чулуунбаатар

"Хүрэл тогоот" ЭШБХ-ын удирдамж

НИЙГМИЙН ШИНЖЛЭХ УХААНЫ ЗАЛУУ ЭРДЭМТДИЙН ХОЛБОО (THE ASSOCIATION OF YOUNG SOCIAL SCIENTISTS)

Эрдэм шинжилгээний шилдэг бүтээл шалгаруулах бага хурлын удирдамж

Нийгмийн Шинжлэх Ухааны Залуу Эрдэмтдийн Холбооноос нийгэм-хүмүүнлэгийн салбарт эрдэм шинжилгээний ажил хийж буй 35 хүртэлх насны залуу эрдэмтэд, эрдэм шинжилгээний ажилтнуудаа дэмжих зорилго бүхий “Хүрэлтогоот-2013” шилдэг бүтээл шалгаруулах бага хурлыг 2013 оны 10-р сарын 18-нд зохион байгуулна. Та бүхэн тус бага хуралд оролцсоноор нийгмийн шинжлэх ухааны чиглэлээр хийгдэж байгаа эрдэм шинжилгээ, судалгааны ажлын сүүлийн үеийн ололт амжилтаас суралцах, мэдээлэл авах, харилцан санал солилцох, Нийгмийн Шинжлэх Ухааны Залуу Эрдэмтдийн холбооны үйл ажиллагаатай танилцах, улмаар хамтран ажиллах, БШУ-ны сайдын шилдэг залуу эрдэмтдэд олгодог “Грант” авах зэрэг боломжууд нээгдэнэ. 

"Нийгмийн адилсал болон бүтцийн өөрчлөлт ба даяарлын сорил" ЭШБХ болж өнгөрлөө

ШУА-ийн ФСЭХ-ийн Социологийн сектороос 2013 оны 08 дугаар сарын 10-нд "НИЙГМИЙН АДИЛСАЛ БОЛОН БҮТЦИЙН ӨӨРЧЛӨЛТ БА ДАЯАРШЛЫН СОРИЛ" сэдэвт олон улсын эрдэм шинжилгээний бага хурал зохион байгууллаа. Хуралд ОХУ-ын ШУА-ийн Социологийн хүрээлэн, Буриадын их сургууль болон Монголын эрдэмтэн судлаачид, социологичид оролцож судалгааны сонирхолтой илтгэлүүд танилцуулсан юм.

Тус хуралд тавигдсан илтгэлүүд:

"Монгол дахь ардчилсан засаглалын төлөв байдал, өөрчлөлт" (2006-2013 оны судалгааны дүн)
Г.Чулуунбаатар, МУ-ын ШУА-ийн Философи, социологи, эрхийн хүрээлэнгийн захирал, академич

“Нийгмийн үзүүлэлтийн түүвэр судалгаа-2013”-т ажиллах судлаач нарыг сонгон шалгаруулж авна

Монгол Улсын хүүхдийн хоол тэжээл, өсөлт,хөгжил, хамгаалал, эх, нялхсын эрүүл мэнд, төрөлт, төрөх үеийн тусламж, үйлчилгээ, үр хөндөлт, эрэгтэй, эмэгтэйчүүдийн жирэмслэхээс сэргийлэх арга, хэрэгслийн мэдлэг, хэрэглээ, ХДХВ/ДОХ-ын талаарх мэдлэг, хандлага, гэр бүл төлөвлөлт, бэлгийн зан үйл зэрэг мэдээллийг гаргах зорилгоор Монгол Улсын “Статистикийн тухай” хуульд заасны дагуу Үндэсний статистикийн хороо НҮБ-ын Хүн амын сан, Хүүхдийн сангийн дэмжлэгтэйгээр "Нийгмийн үзүүлэлтийн түүвэр судалгаа-2013”-г зохион байгуулан явуулах гэж байна. Үүнтэй холбогдуулан судалгааны мэдээллийг зөөврийн компьютер ашиглан цуглуулах ажилд Улаанбаатар хот, хөдөө орон нутагт ажиллах судлаач нарыг сонгон шалгаруулж авна.
 

Ажиллах хугацаа:
I. 2013 оны 9 сарын 4-нөөс эхлэн 11 дүгээр сарын эхний хагас хүртэлх хугацаанд хөдөө орон нутагт ажиллана.
II. 2013 оны 11 дүгээр сарын эхний хагасаас эхлэн 12 сарын дунд хүртэлх хугацаанд Улааанбаатар хотод ажиллана.

Бодлогын судалгааны арга зүйн сургалт семинарт урьж байна

ННФ-ын Бодлогын судалгааны тэтгэлэгт хөтөлбөрөөс зохион байгуулах бодлогын судалгааны арга зүйг танилцуулах нэг өдрийн сургалтад урьж байна.

Хэзээ:2013 оны 7-р сарын 04-ний Пүрэв гаригийн 9:30-17:00

Хаана:Нээлттэй Нийгэм Форумын Хурлын танхим

Хэн оролцох: Төрийн бус байгууллагын ажилтан, судлаачид

Бүртгэл:gerelmaa@forum.mn хаягаар 7-р сарын 03-ний 17:00 цаг хүртэл

Нээлттэй Нийгэм Форум 2013 оны 7 дугаар сарын 4-ний өдрийн Пүрэв гаригт бодлогын судалгааны арга зүйг танилцуулах нэг өдрийн сургалт семинартаа иргэний нийгмийн байгууллагуудыг урьж байна. Энэ нь Бодлогын судалгааны тэтгэлэгт хөтөлбөрөөс зохион байгуулж буй арга зүйн танилцуулах сургалт семинар юм.

Үндэсний хэмжээний бодлогын семинар болно

Монгол Улсын Засгийн газар ЮНЕСКО, НҮБХС, ДЭМБ, НҮБХХ байгууллагуудын 2009-2012 онд хамтран хэрэгжүүлсэн “Монгол Улсын Хөдөөгийн Хүн Амын Амьдралын Баталгааг Нийгмийн Иж Бүрэн Үйлчилгээгээр Хангах нь” төслийн Үндэсний хэмжээний бодлогын семинар 2012 оны 05-р сарын 7-8-ны өдрүүдэд МҮХАҮТ-ын Уулзалт үзэсгэлэнгийн их танхимд болно.

Уулзалтад Монгол Улсын Шадар сайд, ЗГХЭГ, Япон улсаас Монгол улсад суугаа Онц бөгөөд Бүрэн эрхэт Элчин сайд, холбогдох яамдын төлөөлөгчид, төслийн Удирдах хороо, ажлын хэсгийн гишүүд, төсөлд хамрагдсан аймаг, сумдын төлөөлөгчид, төсөл хамтран хэрэгжүүлсэн НҮБ-ын төрөлжсөн байгууллагуудын ажилтнууд, олон улсын донор байгууллагууд, хөгжлийн банк зэрэг төлөөлөгчид оролцоно. Уулзалтын үеэр төслийн ололт амжилт, хуримтлуулсан тэргүүн туршлагыг дүгнэн хэлэлцэж, сурсан, хийсэн зүйлээрээ үзэсгэлэн гаргаж, мэдлэг, туршлагаа хуваалцах бөгөөд хүн амын нийгмийн үндсэн үйлчилгээг хүртэх боломжийг сайжруулахад нийгмийн хүчин чармайлтыг нэмэгдүүлэх, бодлогын таатай орчин бүрдүүлэх зөвлөмж боловсруулж Засгийн газарт өргөн барих юм.

“Улаанбаатар хот дахь хүүхдэд зориулсан нийгмийн халамжийн хувилбарт үйлчилгээг сайжруулах нь” сургалт болно

A. ЕРӨНХИЙ МЭДЭЭЛЭЛ:
Энэхүү сургалтыг Европын Холбооны дэмжлэгээр МУИС-ийн Социологи Нийгмийн ажлын тэнхим, Нийслэлийн Хүүхдийн төлөө газар, БГД-ийн Засаг даргын Тамгын Газар, Сургуулийн нийгмийн ажилтны Нийгэмлэг болон Итали улсын “Амичи дэй Бамбини” Олон улсын Байгууллагын хамтран хэрэгжүүлж буй “Улаанбаатар хот дахь хүүхдэд зориулсан нийгмийн халамжийн хувилбарт үйлчилгээг сайжруулах нь” төслийн хүрээнд зохион байгуулж байна.
Үндэсний сургагч багш бэлдэх хөтөлбөрийн дагуу сургалтанд хамрагдаж Итали, Чех улсад аялал-сургалт хийж мэргэжсэн багш нар энэхүү сургалтыг удирдан явуулах бөгөөд хүүхдийн халамжийн хувилбарт үйлчилгээний үндсэн ойлголт, зонхилох төрөл хэлбэр хийгээд бүтэц, үе шат, онцлог, шаардлагатай мэдлэг, ур чадвар зэрэг асуудлыг “Хүүхдийг гэр бүлд нь буцаахуй”, “Асралт гэр бүл” болон “Хүүхэд үрчлэлт” хэмээсэн гурван багц хичээлийн хүрээнд судлан үзэх болно.

В. СУРГАЛТЫН ЗОРИЛГО:
• Хүүхдийн халамжийн хувилбарт үйлчилгээний хууль эрх зүйн орчныг боловсронгуй болгоход чиглэсэн бодлогын цогцолборт нөлөөллийн арга хэмжээг хэрэгжүүлэхэд шаардлагатай чадавхийн тогтолцоог бүрдүүлэх,
• Хүүхдийн халамжийн хувилбарт үйлчилгээний тогтолцоог хөгжүүлэх замаар хүүхдийн гэр бүлийн орчинд өсөн хүмүүжих жам ёсны эрхээ эдлэх нөхцлийг хангах,

Г. СУРГАЛТЫН БҮРЭЛДХҮҮН ХЭСЭГ:
Сургалт нь:
1. Хүүхдийг гэр бүлд нь буцаах нь
2. Асралт гэр бүл
3. Хүүхэд үрчлэлт гэсэн үндсэн гурван багцаас бүрдэх бөгөөд нийт 300 цагийн багтаамжтай байна.

Д. СУРГАЛТЫН ДАВУУ ТАЛ
Монголын хүүхэд хамгааллын тогтолцооны шинэчлэл хүүхдийн хувилбарт үйлчилгээг үндэсний хэмжээнд хөгжүүлэн нэвтрүүлэхэд чиглэж байгаа бөгөөд энэхүү сургалтанд хамрагдсан мэргэжилтнүүд энэхүү хөдөлмөрийн шинэ зах зээлд амжилттай өрсөлдөж, ажлын байраар хангагдах давуу боломжтой болно.

Е. СУРГАЛТЫН ЗОРИЛТОТ БҮЛЭГ
Нийгмийн ажил, сэтгэл судлал, нийгмийн эрүүл мэнд зэрэг нийгэм хүмүүнлэгийн чиглэлээр сурдаг, эсвэл төгсөөд 3 –аас дээш жил болоогүй болон хүүхэд хамгааллын чиглэлээр мэргэжихыг хүсч байгаа оюутан залуус.

Сургалт нь 2011 оны 11 дүгээр сарын 11 нээс эхлэх бөгөөд МУИС-ийн Хичээлийн 2 дугаар байранд Социологи нийгмийн ажлын тэнхимд БҮРТГЭЖ БАЙНА. ЛАВЛАХ УТАС 99093659

Социологийн бага хурал Словенид болно

"Өнөөгийн дэлхий ертөнц дэх олон талт байгалийн хамтын ажиллагаа" (Multi-faceted nature of collaboration in contemporary world) сэдэвт олон улсын социологийн бага хурал 2011 оны 11 сарын 7-8-ны хооронд Словений Ново Место хотноо болох гэж байна.

Хуралд ОУСХ-ны сүлжээний удирдлагад байгаа Словений социологичид болон ахисан түвшний нийгмийн ухааны сургуулиудын төлөөлөгчид оролцох аж. Тус хурал нь 2012 оны 01 сард АНУ-д, мөн оны 05 сард ОХУ-д болохоор төлөвлөгдөж байгаа юм байна. Хурлын deadline 2011 оны 09 сарын 30-р дуусч байгаа юм.

Дэлгэрэнгүй мэдээллийн http://ccw2011.wordpress.com/ энэхүү блогоос болон ОУСХ-ны http://www.isa-sociology.org/isagram/ сайтаас авна уу.

Судалгааны тэтгэлэгт хөтөлбөрийн шалгаруулалтад бие даасан судлаачдыг урьж байна

МУИС-ийн ЭЗС-ийн дэргэдэх Эдийн засгийн судалгаа, эрдэм шинжилгээний хүрээлэн (ERI), Мэрилэндын их сургуулийн IRIS төвтэй хамтарсан Дэлхийн банкны санхүүжилттэй судалгааны тэтгэлэгт судалгааны хөтөлбөрийн шалгаруулалтад бие даасан судлаачдыг оролцохыг урьж байна. Энэ удаа дараах сэдвүүдийг зарлаж байна.

* Монгол дах хүн ам зүйн өөрчлөлт ба нийгмийн хамгааллын тогтолцоо
* Хүлээгдэж буй их хэмжээний хөрөнгийн урсгал болоод хэрэгжүүлэхээр төлөвлөж буй томоохон уул уурхай, аж үйлдвэрийн төслүүдээс үүдэлтэй Монгол улсын “Голланд өвчин”-д нэрвэгдэх эрсдлийн үнэлгээ
* Макро эдийн засгийн эрсдлүүд ба тэдгээрийг багасгах арга замууд
* Монгол улс дах төрийн хариуцлагын тогтолцоонд үнэлэлт өгөх нь
* Жижиг, дунд бизнесийн хөгжил: Эдийн засгийн огцом өсөлт бүх төрлийн бизнест ээлтэй юу?
* Монгол улсын бүрэн дунд боловсролын дараах сургалтын системийн шинжилгээ

Хаяг: ERI, МУИС-ийн 5-р байр, 503 тоот
Нэгдсэн үндэстний гудамж, Сүхбаатар дүүрэг, 6 хороо

И-мэйл:ERI.mongolia@gmail.com
Утас: 353470
Факс: 353470
http://www.eri.num.edu.mn

“Судалгааны мэдээлэл боловсруулах программын хэрэглээ” сэдэвт сургалтанд суулаа (CSPro ба SPSS программ)

Сайн байцгаана уу эрхэм судлаач, социологич нөхдөө. Ойрын хэдэн хоног блогтой салхи оруулалгүй үл хайхран явлаа. Хамгийн сүүлийн сонин болох НҮБ-ийн Хүүхдийн Сан болон МУИС-ийн Хүн амын төвөөс зохион байгуулсан “Судалгааны мэдээлэл боловсруулах программын хэрэглээ”(CSPro ба SPSS программ) сэдэвт сургалтанд суусан талаараа танилцуулж байна.

Сургалтын ерөнхий агуулга:
Өдөр 1. CSPro програмын үндэс
Data dictionary – тай ажиллах
Form specification – тэй ажиллах
Data entry application –тай ажиллах
Batch edit application –тай ажиллах
Tabulation application –тай ажиллах
Tools цэсэн дэх өргөн хэрэглээний командууд

Өдөр 2. CSPro програмыг өрхөд суурилсан түүвэр судалгаанд ашиглах нь
Мэдээлэл боловсруулалтыг цогц байдлаар сүлжээний орчинд зохион байгуулах
Шивэлтийн програм, түүний боломжууд
Шалгалтын програм, түүний боломжууд
Засварын програм, анхаарах асуудлууд
Мэдээллийн чанарын шинжилгээ, түүнийг хяналтанд ашиглах

Өдөр 3. SPSS програмын шинэ хувилбар болох PASW Statistics програмын онцлогууд

The Census and Survey Processing System (CSPro) буюу тоо бүртгэл болон асуулга боловсруулалтын систем гэсэн тус программ нь асуулга болон тоо бүртгэлийн датаг эхлүүлэх, хянан шалгах, хүснэгтлэх, задлан шинжлэх багц программ юм байна. CSPro нь Integrated Microcomputer Processing System (IMPS), Integrated System for Survey Analysis (ISSA)хоёрыг хослуулан хэрэглэх боломжийг олгодог байна. Windows 98, Me, NT 4.0, 2000, XP, Vista дээр суудаг.
-Хүн ам болон орон сууны тооллого
• Хүн ам зүйн онцлог
• Эрүүл мэнд, хоол тэжээл
• Хөдөө аж ахуй
• Хөдөлмөрийн хүчин
• Бизнесийн байгууллага
• Боловсрол
• Амьдралын стандарт
• Энерги
• Цагаачлал
• Өрхийн орлого, зарлага
• Нийгэмлэг
• Хүрээлэн, институт
• Бичлэгийн жагсаалт
• Амьдрах чадварын статистик гэх мэт өргөн ашигладаг.
CSPro 4.0 User's Guide


За мөн бидний өргөн дэлгэр хэрэглэдэг SPSS программ маань шинэ 18, 19 хувилбараа PASW Statistics хэмээн нэрлэж нэрээ өөрчилж байгаа юм байна. Өнгө зүс, харагдах байдлын хувьд бүрэн шинэчлэгдэж зарим команд үйлдлүүдийг хялбарчилж, ашиглагддаггүй шахам зарим хэсгийг хасаж цэгцэлсэн байна лээ. Мөн лиценз, төлбөрийн хувьд найдвартай байдлыг сайн хангаж чадсан юм шиг санагдсан. 3000 орчим доллараар худалдан авах боломжтой гэсэн.

PASW Statistics 18 Core System User's Guide -

За ингээд бүгдэд нь амжилт хүсье!

МУИС НШУС-ийн магистрантуудын эрдэм шинжилгээний бага хурал

Нийгмийн ухааны чиглэлээр суралцаж буй магистрантууд ТА бүхнийг “Нийгмийн шинжлэх ухааны орчин үеийн асуудлууд” сэдвийн хүрээнд явагдах эрдэм шинжилгээний бага хуралд урьж байна.
Хуралд НШУС-ийн магистрантууд мэргэжлийн чиглэл харгалзахгүйгээр илтгэл бэлдэн оролцох боломжтой.
Эрдэм шинжилгээний бага хурал 2010 оны 11-р сарын 3 дахь долоо хоногт болно.
Хуралд оролцохыг хүсэгчид материалаа /электрон хувилбараар, удирдагчийн тодорхойлолтын хамт/ 2010 оны 11-р сарын 10-ний дотор zagaa_e@yahoo.com хаягаар илгээнэ үү?
Илтгэлийг хоёр үе шаттайгаар сонгон шалгаруулна.

Илтгэлд тавигдах шаардлага:

- Нийгмийн өмнө тулгамдсан, шийдвэрлэвэл зохих социаль асуудлыг хөндсөн
- Илтгэгч нь тухайн сэдвээрээ эмпирик судалгаа хийсэн
- Илтгэл тавьж буй сэдвээрх олон талын үзэл бодол, байр суурийг харьцуулан, анализ хийж, дүгнэлт гаргасан
- Илтгэгч өөрийн судалгаандаа шинэлэг арга зүйг баримталсан байх


Илтгэлд тавигдах техник шаардлага:

- А4 цаасан дээр 7-10 хуудас бүхий
- Үсгийн фонт Times New Roman, Size 12, Line space 1.5
- Мэдээллийн эх сурвалж, ашигласан ном, материалын жагсаалт, ишлэл зүүлт бүхий
- Тодорхой тооны хүснэгт, график, slide show бүхий

Эхний 3 байрыг шалгаруулан өргөмжлөл, мөнгөн шагналаар шагнана.

МУИС-ийн НШУС-ийн Сургалтын алба
2010-10-15

Эрдэм шинжилгээний шилдэг бүтээл шалгаруулах бага хуралд урьж байна.

НИИГМИЙН ШИНЖЛЭХ УХААНЫ ЗАЛУУ ЭРДЭМТДИЙН ХОЛБОО

THE SOCIAL SCIENCE'S YOUNG SCIENTIST'S ASSOCIATION

Эрдэм шинжилгээний шилдэг бүтээл шалгаруулах бага хурлын удирдамж

Нийгмийн Шинжлэх Ухааны Залуу Эрдэмтдийн Холбооноос энэ салбарт эрдэм шинжилгээний ажил хийж буй залуу эрдэмтэд, эрдэм шинжилгээний ажилтнуудаа дэмжих зорилго бүхий "Хүрэл тогоот-2010" эрдэм шинжилгээний шилдэг бүтээл шалгаруулах бага хурлыг 2010 оны 10-р сарын 30-нд зохион байгуулна. Та бүхэн тус бага хуралд оролцсоноор нийгмийн шинжлэх ухааны чиглэлээр хийгдэж байгаа эрдэм шинжилгээ, судалгааны ажлын сүүлийн үеийн ололт амжилтаас суралцах, мэдээлэл авах, харилцан санал солилцох, Нийгмийн Шинжлэх Ухааны Залуу Эрдэмтдийн холбооны үйл ажиллагаатай танилцах, улмаар хамтран ажиллах, БСШУ-ны сайдын шилдэг залуу эрдэмтдэд олгодог тэтгэлэг, БСШУ-ны сайдын "Грант"-д өрсөлдөх боломжууд нээгдэнэ.

Нэг: Бага хуралд оролцож илтгэл хэлэлцүүлэх мэргэжлийн ерөнхий чиглэлүүд:

1. Хэл-Утга зохиол
2. Түүх-Архелоги
3. Хууль-Эдийн засаг
4. Сэтгүүлзүй-Олон нийтийн харилцаа
5. Улс төр-Социологи-Философи
6. Сэтгэл судлал-Боловсрол судлал-Нийгмийн ажилтан

Хоёр: Илтгэлийн бүрэн эх ба хураангуйг Нийгмийн Шинжлэх Ухааны Залуу Эрдэмтдийн хурал зохион байгуулах комисст 2010 оны 10-р сарын 18-ны Даваа гаригийн 18 цагаас өмнө ирлүүлсэн байна. Илтгэлийн хэмжээ А4 цаасны 5-6 нүүр хуудас байх ба хэвлэмэл байдлаар болон файл хэлбэрээр э-майл, флаш дискээр авчирна. Илтгэлийн хураангуй болон үндсэн илтгэлийг хурлын өмнө нэгтгэн эмхтгэл болгож хэвлэх тул дараах заавраар бэлтгэж ирүүлэх шаардлагатай. Үүнд:

* Илтгэл А4 хэмжээтэй 5-6 нүүр, товчлол, хураангуй нь орос, англи хэлээр А4 -ийн нэг нүүрнээс хэтрэхгүй байна.
* Хуралд монгол хэлээр болон орос, англи хэлээр илтгэл хэлэлцүүлж болно.
* Үсгийн фонд Times New Roman, Arial, үсгийн өндөр 12 pt, мөр хоорондын зай Single, мөрийн тоо 45-аас хэтрэхгүй.
* Нийтийн хэрэглээний шрифтээс бусад галиг, ханз үсэг орсон файл байгаа тохиолдолд холбогдох үсгийн фонтоо давхар хуулж ирүүлэхийг анхааруулъя.
* Paper size A4, 210x297, margins top 2.5, bottom 2.0, left 2.0, right 2.0
* Илтгэлийг файл хэлбэрээр е-майл: g_mg!2003@ yahoo.com , suglegjngl@yahoo.com Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. хаягаар ирүүлж болно.

Илтгэл хүлээн авах хаяг: Улаанбаатарын Их Сургууль, 304 б тоот, ШУА-ийн Хэл зохиолын хүрээлэн 212 тоот.

Харилцах утас: 99099604, 99718891, 11-458331.

PS: МУИС-ийн МХСС-ийн Уран зохиолын тэнхэм, СЭЗДС-ийн Экономиксь эконометриксийн тэнхим, ШУА-ийн Хэл зохиол, Түүх, Археологийн хүрээлэнгүүдэд манай зохион байгуулах хүмүүс ажиллаж байгаа тул эдгээр хүмүүст хандан хурлын талаарх дэлгэрэнгүй мэдээлэл авч болно.

НШУЗЭХ-ны Удирдах зөвлөл Хурал зохион байгуулах комисс

“Даяаршлын нөхцөл дэх нийгэм улс төрийн үйл явц” ОУ-ын эрдэм шинжилгээний бага хурал

Шинжлэх ухааны академийн Философи, социологи, эрх зүйн хүрээлэн “Мянганы хөгжлийн ес дэх зорилгыг хэрэгжүүлэхэд дэмжлэг үзүүлэх” төслийн хүрээнд зохион байгуулсан “Даяаршлын нөхцөл дэх нийгэм улс төрийн үйл явц” сэдэвт олон улсын бага хуралд Монголын талаас дөрөв, гадны судлаачдын 10 илтгэлийг хэлэлцүүлж харилцан мэдлэгээ солилцсон юм.
Монголын хэлэлцүүлсэн илтгэлүүдээс МУ-ын ШУА-ийн Философи, социологи, эрх зүйн хүрээлэнгийн эрдэмтэн Г. Чулуунбаатарын тавьсан “Монгол дахь ардчилсан засаглалын төлөв байдал, өөрчлөлт” гэсэн илтгэл олны анхаарлыг татаж байв. Гадны эрдэмтэдийн хэлэлцүүлсэн илтгэлүүдээс ОХУ-ын ШУА-ын Сибирийн салбарын эрдэмтэн Ю. В. Попковын тавьсан “Уугуул соёлын орчин үеийн хөгжил дэх нийгэм, соёлын неотрадиционнализмын үүрэг” сэдэвт илтгэл танхимд маргааныг өрнүүлж байсан юм.
Олон улсын бага хуралд илтгэл тавьсан ОХУ-ын ШУА-ын эрдэмтэн Попков хэлэхдээ “Ийм хурлыг зохион байгуулсан нь ихээхэн ач холбогдолтой зүйл боллоо. Бид танай эрдэмтдээс, танай эрдэмтэд биднээс сурах нээлттэй боломж олдож байгааг энд хэлэх хэрэгтэй. Цаашдаа танай улсын хөгжилд эрдэмтдийн санал их чухал юм” гэж хариуллаа. Хуралд ОХУ, Серби, Франц зэрэг улсууд нийгмийн ухааны салбарын эрдэмтэн докторууд оролцож илтгэл тавиж байгаа юм.

Хуралдааны үдээс өмнөх хагаст тавигдсан илтгэлүүд сонирхуулж байна.
-Оросын модернизацийн төслийн нийгэм-улс төрийн аспектууд (Горшков М.К.. ОХУ-ын ШУА-ын Социологийн хүрээлэн)
-Монгол дахь ардчилсан засаглалын төлөв байдал, өөрчлөлт (Г.Чулуунбаатар МУ-ын ШУА-ын Философи социологи эрх зүйн хүрээлэн)
-Глобал нийгмийн нийгэм, улс төрийн аспектуудын социологийн хандлага (Данило Ж.Маркович Сербийн Белградын улсын их сургууль)
-Монгол дахь хүний эрхийн төлөв байдал: ололт, сорилт, зорилт (С.Цэрэндорж Хүний эрх, ардчиллын судалгааны төвийн тэргүүн)
-Серби улсад хөдөлмөрийн салбарт ялгаварлан гадуурхалтыг хориглох нь (Милутин Джуричич Сербийн Новопазарын улсын их сургууль, Йована Булатович Сербийн Печ-Лепосавич Эдийн засгийн дээд сургууль)
-Монгол дахь ардчиллын чанарыг үнэлэх нь (Д.Ганбат Улс төрийн боловсролын академи)
-Орчин үеийн нийгэм дэх шашны боловсрол (Иван Булатович Серби улсын хүний эрх цөөнхийн эрхийн яамны Төрийн нарийн бичгийн дарга Жарко Джуричич)

СУРГАЛТЫН ХӨТӨЛБӨР БОЛОВСРУУЛАХ СУРГАЛТУУДАД УРЬЖ БАЙНА

Багш судлаачдын анхааралд

http://www.ceu.hu/crc/
Унгарын Будапешт хот дахь Төв Европын их сургуулийн Сургалтын Агуулга Боловсруулах Тєв нь нийгмийн ухааны багш нарын мэргэжил дээшлүүлэх, сургалтын хөтөлбөр, агуулгыг боловсронгуй болгох зорилгоор богино хугацааны сургалт зохион байгуулдаг бөгөөд энэхүү сургалтанд хичээлийн хөтөлбөрөө шинэчлэхийг эсвэл сургалтын хөтөлбөр боловсруулахад тулгардаг асуудлыг хэлэлцэхийг хүссэн Монголын их, дээд сургуулийн нийгэм хүмүүнлэгийн ухааны багш, судлаачдыг оролцохыг урьж байна.

Сургалтанд оролцох багш нар англи хэлний тодорхой мэдлэгтэй байх ёстой бөгөөд өргөдлийн материал бүрдүүлэн шалгарсан багш нар 100% тэтгэлгээр энэхүү сургалт семинарт оролцох бөгөөд ном, стипенд авна. Сургалт доор заасан хугацааны дагуу Унгарын Будапешт хотод болно.

* Тодорхой нэг хичээлийн хөтөлбөрийг шинэчлэх
Олон жилийн туршлагатай ахлах багш нар, судлаачид эсвэл судалгаа хийх сонирхолтой залуу багш нар энэхүү сургалтанд оролцох боломжтой. Тус хөтөлбөрт хамрагдсанаар оролцогч багш нар Төв Европын их сургуулийн багш нараас туршлага судлан тухайн хичээлийн хөтөлбөрийг шинэчлэн эсвэл шинээр боловсруулах боломжтой. Доорхи тэнхимүүд тодорхой нэг хичээлийн нэрийг заасан байгаа бөгөөд үүнийг өргөдлийн маягтаас үзнэ үү.

Хөтөлбөрийн талаархи дэлгэрэнгүй мэдээллийг энд дарж авна уу
Ерөнхий өргөдлийн маягтыг энд дарж авна уу
Тэнхимийн групп өргөдлийн маягтыг энд дарж авна уу.

Дэлхийн банкны Ядуурлын судалгааны үр дүнг танилцуулах уулзалт болно

2010 onii 6 sariin 17-nd boloh Delhiin Banknaas hiisen "Yaduurliin Sudalgaanii Ur Dun"-g taniltsuulah uulzaltad urij baina. Uulzaltad Delhiin banknii Mongoliig hariutsan terguuleh ediin zasagch Andrew Mason Delhiin banknaas gargasan "Yaduurliin Sudalgaanii Ur Dun"-g taniltsuulj yariltslaga yavuulah bolno.

Uulzaltiin hutulbur:
10.00 -10.10 Neeltiin ug /Arshad Sayed, Suurin tuluulugch, Delhiin bank/
10.10-10.30 Yaduurliin Sudalgaanii Ur Dun, /Andrew Mason, DB-nii Terguuleh ediin zasagch/
10.30-11.30 Asuult hariult, Heleltsuuleg

Enehuu hurald ta bolon tanai baiguullagiig idevhtei oroltohiig husye.
Yaduurliin Sudalgaanii Ur Dungiin tovch 1 huudas materialiig havsargav.

Asuuj todruulah zuil baival R.Maya-312645 /217/-tai holbogdono uu.
(See attached file: MON povline policy Brief 26may10.pdf)
Hundetgesen,
Delhiin banknii Yaduurliig buuruulah bag.

Хавсралт: ЭНДЭЭС