Судалгааны баг сонгон шалгаруулах тухай

Монгол Улсын Хүний эрхийн Үндэсний Комисс, НҮБ-ын Хөгжлийн хөтөлбөр хамтран хэрэгжүүлж буй “Хүний эрхийн хэрэгжилтэд хяналт тавих үндэсний чадавхийг бэхжүүлэх нь” төслийн хүрээнд “Хүний эрх ба хүнд суртал, чирэгдэл” шалгалт, судалгааны ажлын зарим чиг үүргийг хариуцан гүйцэтгэх судалгааны багийг сонгон шалгаруулж хамтран ажиллана.

Зорилго:

Судалгаа нь төрийн үйлчилгээг иргэдэд үзүүлэхэд учирч буй хүнд суртал, чирэгдлийн шалтгаан нөхцөл, үр дагавар, хүндрэл бэрхшээлийг тодорхойлж,  арилгах арга замын талаар санал боловсруулах зорилготой болно.

"Социологийн судалгааны үндсэн аргууд" ном

Хянан тохиолдуулсан: В.Отгон насан

Он: 2005 

Хот: Улаанбаатар хот

Нүүрний тоо: 193

Эрхлэн гаргасан: МУИС Социологийн тэнхим

Хэвлэлт: Нэмж засварласан 3 дахь хэвлэл

Хүүхдийн номын зах зээлийн судалгаа 2008 он

Энэ судалгааг Хөдөөгийн Боловсролын Дэмжих Хөтөлбөр (Read хөтөлбөр)-ийн захиалгаар "Төгс системс" ХХК хийж гүйцэтгэсэн байна. ЕБС-ийн 1-5 ангийн хүүхдэд зориулсан судалгаа аж.

bookmarket_survey_mon -  

SPSS 16 програмыг хэрхэн компьютертоо суулгах вэ?

Нийгмийн судалгааны статистик шинжилгээний SPSS (Өдгөө 17-с хойших хувилбараа PASW хэмээн болсон) програмын хэрэглээ Монголд өргөн дэлгэр болоод удаж байна. Энэ програмтай ажилладаг судлаачид, багш, сайн дурын мэргэжилтнүүд ч олширсон байна. Иймээс SPSS 16 хувилбарыг хэрхэн компьютертоо суулгах зааврыг хүргэж байна.

"Иргэдийн нийгэм, улс төрийн үнэлэмж, чиг хандлага" судалгааны дүн (МАН)

“ИРГЭДИЙН НИЙГЭМ, УЛС ТӨРИЙН ҮНЭЛЭМЖ, ЧИГ ХАНДЛАГА” СЭДЭВТ СУУРЬ СУДАЛГААНЫ ТАЙЛАН ДҮГНЭЛТ

Нийслэлийн Монгол Ардын Намын Хорооны дарга Г.Мөнхбаярын тавьсан саналын дагуу Улаанбаатар хотын оршин суугч, иргэдийн нийгэм, улс төрийн идэвх оролцоо, байр суурь, үнэлэлт дүгнэлт, чиг хандлага, улс төрийн нам, улс төрчдийн рейтингийг тандан судлах зорилгоор социологийн суурь судалгааг Нийгмийн ардчиллын хүрээлэн 2011 оны 9 дүгээр сарын 16-наас 30-ны өдрүүдэд хийж, дүнг нэгтгэн, тайлан дүгнэлт бэлтгэв.

"Хөтөлбөрийн ахлах судлаач"ийн ажилд урьж байна

Монгол улсын Засгийн газар нь Азийн хөгжлийн банкны дэмжлэгтэйгээр “Хүнс тэжээл, нийгмийн халамжийн хөтөлбөр, төсөл”-ийг хэрэгжүүлж байна. Үүнтэй холбогдуулан Нийгмийн хамгаалал, хөдөлмөрийн яамны дэргэд Хүнс тэжээл, нийгмийн халамжийн төсөл, хөтөлбөр хэрэгжүүлэх нэгжүүд ажиллаж байна. Хөтөлбөр хэрэгжүүлэх нэгжид гэрээгээр гүйцэтгэх дараах ажлын байрыг зарлаж байна.

Хийх ажил:
·Судалгааны явцын төлөвлөлтийг хийх, зохион байгуулах, хяналт тавих
Хөтөлбөрийн нэгжийн хэрэгжүүлж буй ООТА-ын судалгааны ажлын үйл ажиллагааны үр дүн, үр нөлөөг дээшлүүлэх, төлөвлөлт, тайлагналтыг цаг хугацаанд нь хийлгэх.

·Судалгааны явцад оролцогч талуудтай харилцах
Хөтөлбөр хэрэгжүүлэх нэгжийн ажилтнууд (мэдээллийн системийн ажилтан, зорилтот хүрээг тодорхойлох ажилтан, төлбөр тооцооны ажилтан, олон нийттэй харилцах ажилтан, мониторингийн ажилтан), гадаад болон дотоодын зөвлөхүүдтэй хамтран ажиллаж, чиглүүлж, хоорондын уялдаа холбоог хангах.

·Хөтөлбөр болон төслийн үйл ажиллагааг дэмжих
Хөтөлбөрийн үйл ажиллагааны төлөвлөгөө, тайланг нэгтгэн гаргахад хөтөлбөрийн зохицуулагчид дэмжлэг үзүүлэх.

Тавигдах шаардлага:
·Статистик, эдийн засаг, социологийн чиглэлээр мэргэшсэн, мэргэжлээрээ магистр буюу түүнээс дээш зэрэгтэй байх
·Ижил төстэй албан тушаалд 3-аас доошгүй жил мэргэжлээрээ болон удирдах ажил хийсэн туршлагатай байх
·Өрхийн судалгаа эсвэл хүн амын тооллогын судалгаанд оролцож, зохион байгуулж байсан туршлагатай байх
·Өрхийн судалгааны мэдээлэлд анализ хийж байсан туршлагатай байх
·Майкрософт хэрэглээний програм болон Статистик судалгааны програмуудад /SPSS, STATA эсвэл SAS/ анализ хийх чадвартай байх
·Бичгийн болон ярианы англи хэлний өндөр чадвартай байх
·Ажлын шаардлагаар илүү цагаар ажиллах боломжтой байх

Сонирхсон иргэд дараахь материалыг тус бүр 2 хувь бүрдүүлэн дугтуйлж ирүүлнэ. Үүнд:
·Ажилд орохыг хүссэн өргөдөл
·Анкет
·4х6 хэмжээтэй цээж зураг
·Диплом, сертификатын хуулбар
·Урьд ажиллаж байсан хоёроос доошгүй байгууллагын ажил байдлын талаархи тодорхойлолт.

Материалыг 2012 оны 01 дугаар сарын 20-ны өдрийн 15.00 цаг хүртэл дараах хаягаар хүлээж авна.

Хаяг: Нийгмийн хамгаалал, хөдөлмөрийн яамны 318 тоот өрөө

Зөвхөн эцсийн шалгаруулалтад шалгарсан хүмүүстэй эргэж холбоо барина. Тодруулгыг 976-51-264624, 323473 утас, ts.enkhtuya@mswl.gov.mn электрон хаяг болон www.fnswpp.mn вебсайтаар хандаж лавлана уу.

Зөвлөх үйлчилгээний урилга

Орлогыг орлуулан тооцох аргаар өрхийн амьжиргааны түвшинг тодорхойлох аргачлал нь (Proxy Means Testing) өрхийн амьжиргааны түвшинг үнэлж, нийгмийн дэмжлэг, тусламж хүртэх шаардлагатай өрхүүдийг тодорхойлоход чиглэгдэнэ. Нийгмийн хамгаалал, хөдөлмөрийн яам (НХХЯ) нь энэхүү батлагдсан аргачлалын дагуу судалгааны ажлыг гүйцэтгэх зөвлөх үйлчилгээний гэрээ байгуулах тул сонирхсон зөвлөх хуулийн этгээдийг мэдүүлгээ ирүүлэхийг урьж байна.

1. Зөвлөх үйлчилгээ нь нийт 7 багцтай бөгөөд уг зөвлөх үйлчилгээний зорилго нь багцад хамаарах аймгийн өрхийн гишүүдээс судалгааны батлагдсан маягтын дагуу ярилцлага авах замаар тэдгээр өрхийн нийгэм, эдийн засгийн байдлыг үнэлэх мэдээллийг цуглуулах, цуглуулсан мэдээллийг компьютерийн тусгай программыг ашиглан өгөгдлийн санд шивж өрхийн мэдээллийн сан үүсгэхэд оршино.

2. БАГЦЫН ЕРӨНХИЙ МЭДЭЭЛЭЛ:

3. Мэдүүлгээ ирүүлж буй зөвлөх хуулийн этгээд нь танилцуулга хүсэлтийг 3-аас доошгүй хуудсанд багтаан бичих ба зөвлөх хуулийн этгээд нь ТБОНӨХБАҮХАТХуулийн 14–16 дугаар зүйлд заасан шалгуур үзүүлэлт, шаардлагуудыг хангаж буйг нотлох баримт бичгийн баталгаажуулсан хуулбарыг хавсарган ирүүлнэ. Үүнд:
• Хийж гүйцэтгэх зөвлөх үйлчилгээний зорилгоо тодорхойлсон байдал, ерөнхий танилцуулга, байгууллагын гэрчилгээний хуулбар
• Нийтлэл, ижил төстэй судалгааны ажлын хэвлэгдсэн тайлангийн жагсаалт /шаардлагатай бол хавсаргах/
• Сүүлийн 3 жилд гүйцэтгэсэн ижил төстэй судалгааны ажлын туршлагын мэдээлэл
• Зөвлөх багийн ажиллах хүчний чадавхийн мэдээлэл /голлох судлаачдын мэргэшил, ур чадварын мэдээлэл, боловсролын болон эрдмийн зэрэг, цолны дипломын болон нийгмийн даатгалын дэвтрийн хуулбар, иргэний баримт бичгийн хуулбар/
• Зөвлөх хуулийн этгээдийн санхүүгийн чадавхийн мэдээлэл /Сүүлийн 1 жилийн санхүүгийн тайлан, нийгмийн даатгалын байгууллагын болон татварын байгууллагын тодорхойлолт/

Чадварыг нэмэгдүүлж, сайжруулах зорилгоор зөвлөхүүд түншлэлийн хэлбэрээр оролцож болно.

3. Сонирхсон зөвлөх хуулийн этгээд 2012 оны 1 дүгээр сарын 9-ний өдрийн 11.00 цагт Нийгмийн хамгаалал, хөдөлмөрийн яамны хурлын танхимд ирж нэмэлт мэдээллийг авч болох бөгөөд мэдүүлгээ 2012 оны 1 дүгээр сарын 16–ны өдрийн 11.00 цагаас өмнө дор дурдсан хаягаар ирүүлнэ үү.

Хаяг: Нийгмийн хамгаалал, хөдөлмөрийн яамны 2 давхарт 207 тоот өрөө,
Нэгдсэн үндэстний гудамж, Засгийн газрын 2 дугаар байр,
Улаанбаатар-15160, Монгол улс
Утас: 261119