Сураг алдарсан 2 телевизийн эрх

Монголын телевизийн систем нь үндсэндээ өргөн нэвтрүүлгийн, кабелийн, кабелийн сувгийн гэсэн гурван төрлийн телевизээс тогтдог. (АНУ - сүлжээний, кабелийн, орон нутгийн) Энэхүү системд өргөн нэвтрүүлгийн 2 телевиз нэмэгдэх нь.
Монгол Улсын Засгийн газраас зарласан тендэрээр Улаанбаатар хотод телевизийн өргөн нэвтрүүлэг цацах хоёр аж ахуй нэгж 2010 оны 04 сард шалгарч байжээ. “United Broadcasting” ХХК, HBST ХХК телевиз байгуулах эрхээ авсан нь өргөн нэвтрүүлгийн тоог 17 болгон нэмэгдүүлэх нь хэмээн бодож байтал одоо болтол эфирээ цацаж эхлээгүй байна. Телевизийн нэр нь ч тодорхой болоогүй, олон нийтэд ил тод зарлагдаагүй байгаад гайхах. “United Broadcasting” компанийг камер, гэрэл зураг болон телевизийн төнөг төхөөрөмж, телевизийн чиглэлээр үйл ажиллагаа явуулдаг болов уу хэмээн бодож байна. Тиймээс илүү дэвшилтэт шинэ магадгүй HD телевизийг ч бий болгож магад.
HBST компани нь би амралт, чөлөөт цаг, хоббины чиглэлээр телевиз байгуулах болов уу.
Би хувьдаа одоогийн телевиз, телевизийн сувгуудыг гурван зүйлд л анхаараасай гэж боддог.
Нэгдүгээрт, Нэвтрүүлгийн агуулга. Тухайн нэвтрүүлэгт агуулга талаасаа сэдэв, чиглэл хоёр хамгийн чухал.
Хоёрдугаарт, Нэвтрүүлгийн хэлбэр. Нэвтрүүлгийн төрөл (Энэ нь тухайн телевизийн төрөлжилтийг харуулах учиртай. Энэ бараг хамгийн чухал. Үзэгч, хэрэглэгчдийн хувьд үүнд төвлөрлийг их хардаг болсон.) Жишээ нь спортын, инээдмийн, цэнгээнт, киноны, зар сурталчилгааны гэх мэт. Дараа нь нэвтрүүлгийн жанр. Теле сэтгүүл юм уу, реалити шоу юм уу, ток шоу юм уу. Гэхдээ сэтгүүл зүйн практикт цэвэр зуун хувь жанр гэж байхгүй л дээ.
Гуравдугаарт, Үйлдвэрлэл. Нэвтрүүлгийн өнгө, дүрс, дуу гурав хамгийн чухал. Сүүлийн үеийн HD телевиз бол ярих юмгүй. Бусад энгийн телевизүүд дээрх гуравт анхааралаа заавал хандуулах учиртай.
Ямартай ч 2010 оны Хэвлэл мэдээллийн мониторингод тус хоёр эрх авсан компаниудын телевизүүд бүртгэгдсэнгүй. Одоо хүлээх л үлдлээ.

Социологич: Н.БАТЗОРИГ