SPSS ХЭРЭГЛЭЭНИЙ ПРОГРАММ ХАНГАМЖИЙГ АШИГЛАХ ТУХАЙ

Энэ программ нь математик статистикийн үндсэн аргуудын тооцоо, судалгааны ажлыг компьютерт WINDOWS 95-аас хойших системүүдийн дор хийхэд зориулан хийгдсэн. Онцлог нь математик статистикийн арга, үндэсийг сайн мэддэг, WINDOWS-ийн орчны программуудыг ашиглаж сурсан хүн хялбар аргаар эзэмшиж болохоор асуулгаар харилцаж (диалог горим буюу WIZARD) ажилладаг систем юм. Мөн тухайн программд үндсэн мэдээлэл оруулах, өөр программ, файлд хөрвүүлэх, бусад систем программтай (ACCESS, EXCEL, DBASE, …г.м) холбогдох боломжоор сайн хангагдсанаас гадна, судалгааны зориулалттай хялбар таблиц бүрдүүлэх, бичихэд тохиромжтойгоороо өмнөх хувилбаруудаасаа илүү онцлог болсон байна. Орох мэдээллийн тодорхойлолтыг хийх (VALUES), мэдээлэл дотор хувиргалт хийх(RECODE), боловсруулалт хийх мэдээллийг сонгон авах(SELECT CASE), файлуудыг нэгтгэх, агрегат хийх, бүтцийг өөрчлөх, задлах зэрэг олон сайн үүрэг функцүүдтэйгээрээ онцлог систем юм.

SPSSGuid_Nor_ArMon[1] -

Социологи, нийгмийн ажлын номын каталоги

Улаанбаатар хотын томоохон номын сангуудад байгаа социологи, нийгмийн ажлын номын жагсаалт, катологийг хүргэж байна.
sociology books -

Залуусд тулгарч байгаа 10 том проблем

“Нийгмийн Ардчилал” МЗХ-оос монгол орны өнцөг булан бүрт 3 Р хэлэлцүүлгийг зохион байгуулж, дүнгээ гаргалаа. Хэлэлцүүлгийн 3Р арга нь олон улсын төвшинд түгээмэл ашиглагддаг арга бөгөөд төр засаг, хувийн хэвшил, хэвлэл мэдээлэл, иргэний нийгмийн байгууллага бүр өөр өөрийн өнцгөөс асуудлыг хэрхэн харж байгааг судлаж, давхцлыг тодорхойлдог онцлогтой, PARTNERSHIP, PRIVATE, PUBLIC, гэсэн гурван үгийн товчлол юм. Монголд “3Р” аргачлалаар анхны судалгаа хийгдэж, дүнгээ нэгтгэлээ. Судалгаа шинжилгээний MMCG групп, Англи, Германы судалгааны институттэй хамтарсан баг тус судалгаан дээр ажиллаж, 13 төрлийн аргачлал ашиглаж, 37 мянган орчим залуусыг хамруулж чадсанаараа судалгааны үр дүн амьдрал илүү ойр баттай болж чадсан гэж залуус үзэж байна.

Судалгааны дүн доор дурдагдсан 10 төрлийн асуудал өнөөгийн залуусын хамгийн том проблем болж байна гэсэн дүн гарчээ.

Орон сууц /Эцэг эхийн гэр, хөлсний байр, халаасны өрөөнд амьдардаг/

Эрүүл мэнд /Уушиг, ходоод, элэг цөсний өвчлөл/

Ажил эрхлэлт /Мэргэжилгүй, мэргэжлээрээ ажиллах боломж бүрдээгүй, гэр бүлээ тэжээхийн тулд албан бус хөдөлмөр эрхэлдэг, нийгмийн даатгал, татварын дэвтэргүй/

Нийгмийн оролцоо /Зорилготой гэхдээ тууштай биш, бухимдалтай гэвч гаргаж илэрхийлдэггүй, нийгмийн амьдралд оролцохыг хүсдэг ч хандах газар байхгүй гэж үздэг/

Амьдрах орчин /Өөрийн өмчгүй, гар утас, yahoo ашигладаг, утаагаа амьсгалж, гол ус ширгэж байгаад санаа зовнидог/

Чөлөөт цаг /Чөлөөт цаг өнгөрүүлэх газар хомс байдаг тул баар, диско клубт ордог, шинэ кино үзэх, компьютер тоглох, билльярд сагс тоглох дуртай/

Боловсрол /Чанартай боловсрол эзэмшихийг хүсдэг ч санхүүгийн боломжгүй, гадаадад суралцахыг мөрөөддөг/

Тээвэрийн хэрэгсэл /Том оврын болон микро автобус, хувийн машинтай болохыг хүсдэг/

Сарын дундаж орлого /94.000-180.000 төгрөг, байнгын өр зээлтэй амьдардаг/

Гэр бүлийн байдал /ганц бие, гэрлэх боломж бүрдээгүй гэж үздэг/

УЛС ТӨРИЙН БАРОМЕТР №9(42), 2011/5

“Сант Марал” сангаас Монголын нийгэм, улс төр, эдийн засгийн байдалын талаар олон нийтийн санал бодлын шинэ судалгааг танд толилуулж байна. Судалгаанд Улаанбаатар, Сүхбаатар, Өвөрхангай, Ховд, Сэлэнгэ аймгуудын 1000 иргэдийг хамрууллаа. Судалгаа нь цаг хугацааны хувьд 2011 оны 4-р сарын 21-с 5 сарын 2-ны хоорондох үеийг хамарч байгаа юм. Судалгааны дүнг нийслэл хот, хөдөө харьцуулсан байдлаар харуулав.

SMPBM11 Apr -
Эх сурвалж: www.santmaral.mn

Хэвлэлийн эрх чөлөө, сэтгүүлчийн ёс зүйн талаарх судалгааны дүн

Хэвлэлийн хүрээлэнгээс Швейцарийн хөгжлийн агентлагийн дэмжлэгтэйгээр “Хэвлэл мэдээллийн хариуцлага, сэтгүүлчийн ёс зүй” сэдэвт үндэсний хэмжээний санал асуулгын судалгаа явуулж, дүнг сэтгүүлчдэд танилцууллаа. Судалгааны дүнгээр иргэдийн хэвлэлийн эрх чөлөөний талаарх ойлголт сайжирч байгаа хэдий ч орон нутгийн иргэд хэвлэлийн эрх чөлөөнд сэтгэл дундуур байна. Хэвлэл мэдээллийн хэрэгсэл тодорхой бүлэг хүмүүс, улс төрчид, нам хүчний дуу хоолой болох нь хэвлэлийн эрх чөлөө бэхжихэд саад учруулж байна хэмээн иргэдийн тал хувь нь үзэж байна. Мөн сэтгүүлчдийг төлбөрт болон захиалгат нэвтрүүлгээс ангид байж, улс төрийн нөлөөнд автахгүй байх нь сэтгүүлчийн ёс зүй, хариуцлага, нэр хүндийг дээшлүүлэхэд нөлөөтэй хэмээн үзжээ.
Хэвлэлийн эрх чөлөө, сэтгүүлчийн ёс зүйн судалгааны танилцуулгыг эндээс танилцана уу

Хэвлэл мэдээллийн хэрэгслийн ашиглалтын талаарх мэдээллийг эндээс татаж авна уу