Б.Обамагийн рейтинг сонгогдсоноос нь хойших хамгийн доод түвшинд хүрэв


АНУ-ын Ерөнхийлөгч Барак Обамагийн рейтинг түүний хувьд рекорд гэж болохоор доод түвшинд очжээ. СNN телекомпаниас явуулсан санал асуулгын дүнгээр, Цагаан ордны тэргүүнийг одоо америкчуудын 57 хувь дэмжиж байна.

Энэ оны нэгдүгээр сарын 20-нд тангараг өргөн, албандаа орсноос хойших өнгөрсөн хагас жилд Б.Обамагийн нэр хүнд 60 хувиас доош буугаагүй гэдгийг СNN-ийн санал асуулгын албаны тэргүүн Китинг Холланд тэмдэглэв. К.Холланд Ерөнхийлөгчийн рейтинг буурсныг “Цагаан ордны шинэ эзэнд улс орны асуудлыг шийдвэрлэх тодорхой төлөвлөгөө байхгүй гэдгийг америкчууд ойлгож, урам хугарсантай” холбон тайлбарлалаа.

Сонирхолтой нь, өмнөх Ерөнхийлөгч бага Буш 2001 оны долдугаар сард төрийн тэргүүнээр хагас жил ажиллаад байхдаа мөн 51 хувийн дэмжлэг хүлээж байжээ. Тэгвэл 1993 оны долдугаар сард Ерөнхийлөгч Билл Клинтоны бодлого, үйл ажиллагааг эх орон нэгтнүүдийнх нь 48 хувь сайшааж байв. Харин 1981 онд тухайн үеийн Ерөнхийлөгч Рональд Рейган, 1989 онд том Жорж Бушийг америкчуудын 60 гаруй хувь тус тус дэмжсэн дүн гарч байжээ.

Эх сурвалж: www.dandaa.mn

Социологи нийгмийн өөрчлөлтийг судалдаг


Бусад шинжлэх ухаан нь нийгмийг өөр өөрийн өвөрмөц талаас нь судалдаг бол социологийн шинжлэх ухааны ялгагдах гол ялгаа нь цэвэр нийгмийн харилцааг судалдаг. Социологи нь нийгмийн бие даасан шинжлэх ухаан бөгөөд нийгмийн эд эс болох хүмүүс, хүмүүсийн харилцан үилчлэлээр өөрчлөгдөн хувьсан байдаг хэсгүүд болон нийгмийг нэгдмэл организм болохын хувьд судалдаг. Өөрөөр хэлбэл социологи нь нийгмийг бүхэлд нь буюу аль нэг талыг объектоо болгон судалдаг.
Ямар нэгэн шинжлэх ухааны хавсарга бүрэлдэхүүн хэсэг, арга нь ч биш. Нийгмийн хэсэг бүлэг хүмүүс, нийтлэг, нийгмийн харилцаа холбоо, хамааралыг судалдагаараа онцлог.
Нийгэм нь хурдан бус удаан хугацаанд өөрчлөгддөг ч үүнийг социологийн ШУ судалсаар байдаг. Нийгмийн өөрчлөлт гэж юу вэ?
Нийгмийн өөрчлөлт бол нийгмийн бүтцийн маш чухал өөрлөлт. Түүнчлэн энэ өөрчлөлтийн илэрхийлэл буюу үр дагаварын хэмжээ,үнэлэмж, соелын эс ширхэг болон билэг тэмдэг өөрчлөгдөж байдаг. Энэ тодотгол бол маш өргөн ба энэ нь өөртөө хүний зан байдал,соел болон хүмүүсийн нийгэмд чухал бэлэг тэмдгүүд эдгээрийг нийгмийн өөрчлөлтөд багтаадаг, харин Сорокины хувьд бол нийгмийн өөрчлөлт бол цаг хугацаа болон орон зайнд, зэрэг давтаддаг үйл явц бөгөөд жирийн шугаман байдлаар хэмждэггүй.

Сонгодогууд социологийн судлах зүйлийн талаар

Францын алдарт социологич Э. Дюркгейм социологийн ШУ-ныг материал мөн хэмээн үзэж байсан. 3үйл гэдгийг хамтын зүйл гэж ойлгож байсан. Иймээс ч тэрээр социологийн судлах зүйлийг хамтын үйл ажиллагааны бүхий л хэлбэр гэж ойлгожээ. Э. Дюркгеимийн үзэж байгаагаар нийгмийн баримт материалуудын объектив бодит шинжийг зөвшөөрөх нь социологийн аргын голлох шинж юм.

Германы социологич М. Веберийн үзэж байснаар бол социологи нь хүний нийгмийн зан байдлын шинжлэх ухаан юм. Тэгэхдээ тэрээр нийгмийн зан байдал гэдгийг хүмүүсийн хоорондын харилцаа өөрөөр хлбэл хүнээс өөрөөс нь хамаарч илэрдэг үйл явц хэмээн үзэж байв. Субъект хүнд өөрт нь ямар нэгэн тодорхой утга санаа олгодог учраас энэ харилцааг тэрээр нийгмийн зан төрх хэмээн үзсэн юм.

Марксизмын хувьд социологи гэдэг нь өргөн утгаараа нийгмийг систем болохынх нь хувьдаа судалдаг ШУ бөгөөд энэхүү системийг түүний бүрэлдэхүүн элементууд болох бие хүн, нийтлэгийн хэлбрүүд, нийгмийн байгууллагуудынх нь төлөвшил, хөгжлөөр нь дамжуулан судалдаг ШУ юм. Марксист арга зүйн байр сууринаас бичигдсэн Г.В. Осиповын “Социологи” хэмээн суурин бичигт социологийг түүхэн ёсоор төлөвшин тогтсон нийгмийн төлөвшил хөгжлийн ерөнхий болон өвөрмөц хууль зүй тогтлуудын тухай ШУ хэмээн тодорхойлсон байна.

Ойлголт ухагдахуун

Социологи хэмээх үг нь латииний societies буюу нийгэм,logo буюу үг, ойлголт, сургаал гэсэн үгнээс гаралтай Нэр томъёны хувьд социологи гэдэг нь нийгмийн тухай ШУ гэсэн үг болох нь. Социологийн ШУ-ыг үндэслэгч Францийн сэтгээгч О. Конт социологийг ниймийн тухай позитив ШУ хэмээн үзэж байв. Орчин үеийн социологи нь нийгмийг дүрслэхдээ социаль бүтцийг үндэс болгодог .
Социаль бүтэц нь: институутуд,социаль роль , социаль статусуудын цогц нийлбэр болдог. Гэр бүл, үйлдвэрлэл,шашин, боловсрол,хувийнөмч, арми, улс орон зэрэг н нийгмийн үндсэн суурь институтууд юм.
Нийгмийн хэрэгцээ хүний хэрэгцээнүүд нийцэж давхцвал уул хэрэгцээг үндсэн хэрэгцээ гэнэ. Нийгмийн оршин тогтнох үндсэн баялгийн бүтээл, залуу үеийг сургаж хүмүүжүүлэх, хүний нөхөн үржихүй нийгмийн хэвийн байдлыг хангах гэх мэтийн хэрэгцээнүүд нь хүн амын олонхийн хүлээн зөвшөөрдөг үндсэн хэрэгцээнүүд юм.
Нийгмийн аль нэг үндсэн хэрэгцээг хангахын тулд социаль үүргийг өөртөө хүлээдэг стандартчилсан хэлбэрийг социаль институт гэнэ. Институт бүр нь өөрчлөгдөшгүй урьдчилан өгөгдсөн сургах, хүмүүжүүлэх, үйлдвэрлэх, хамгаалах гэх мэтийн үүргүүдийг биелүүлж байдаг.
Үүрэг роль 2 нягт холбоотой, тухайн үүрэг, ролийг гүйцэтгэн байсан хүмүүс өөрчлөгдлөө ч гэсэн роль нь хэвээр үлддэг. Хүмүүс өөрчлөгдсөн ч социаль роль болон социаль статус байж л байдаг.
Статус гэдэг нь хүмүүсийн нийгэмд эзэлдэг байр суурь, социаль байр байдал юм.
Нэг янзын социаль байр суурь эзлэж байгаа болон нэг янзын ролийг гүйцэтгэж байгаа хүмүүсийн нийлбэр цогцыг социаль бүлэг гэдэг. Томоохон бүлгүүд нь нас хүйсээр нь, үндэстэн,угсаатанаар, мэргэжлүүд, эдийн засгаар, шашнаар, улс төрөөр гэх мэт бүлгүүд байж болно. Ийм гол бүлгүүд байдаг бөгөөд эдгээрийг бүхэлд нь социаль бүрэлдэхүүн гэж нэрлэдэг.
Эрх мэдэл, социаль баялгаас хүртэх хэр хэмжээний тэгш бус байдлаас үүссэн пирамид ямарч нийгэмд байдаг. Дээр дээрээсээ давхар мөн байрласан эдгээр бүлгүүд нь нийгмийн социаль давхраажилтийг бүрдүүлдэг. Эдгээр бүлэг давхаргуудыг холбож байдаг чухал зүйл бол нийгэмдэх хөдөлмөрийн хуваарь юм.Социаль бүтэц нь нийгмийн арьс яс болдог бол соёл нь түүний мах бодь нь болдог.

Хүн социаль хэм хэмжээ ба ролийг зөв эзэмших үйл явцыг социаль хяналт үргэлж хянаж байдаг бөгөөд энэ нь маш олон янзаар илэрдэг. Санкци нь эсрэг ба сөрөг гэсэн хэсэгт хуваагддаг хяналтын механизм нь энэхүү санкцийг хэрэглэснээрээ нийгмийн тогтвортой байдлыг хангаж байдаг. Социаль харилцааг хяндаг хууль хэм хэмжээ байхгуй бол нийгэм хямралд орох бөгөөд үүнийг аноми байдал гэж нэрлэдэг.


Шилжилтийн төгсгөл ба долоон сарын нэгний үйл явдал


Тамир (ta_miraa@yahoo.com) Бодлого судлаач, Социологийн тэнхим, МУИС – Олон Улсын Харилцааны сургууль, Сант-Андрюсийн Их сургууль, Британи
Британийн Монголчуудын Монгол орны хөгжилд Тавдугаар чуулга уулзалтын Монгол Хүн Нийгэм Соёл салбар хуралдаанд тавигдсан илтгэл.
Төрсөн өдөр: Монголын ардчилал 18 нас хүрч долоон сарын нэгэнд төрсөн өдрөө тэмдэглэлээ. Аав ээж, ах эгч нарын зааж өгсөн хулгай, дээрэм, хүчирхийллийг яаж сурснаа багш нартаа харууллаа. Бидний хийж байгаа судалгаагаар бүхий л нас, хүйс, давхаргын, янз бүрийн ажил мэргэжилтэй хүмүүс төрсөн өдрийг хөгжөөлөө. Тэр ч байтугай ахмадууд маань ч гэсэн “танго эргэж” өтөлснөөс биш үхээгүй гэдгээ нотоллоо. Ардчилсан гэж бид бахархдаг энэ улсад иргэд нь дөнгөж саналаа өгч дуусангуутаа яагаад тэрийгээ эсэргүүцээд эхлэв? Үүнтэй зэрэгцээд төрсөн өдрийг гадны мэдээллийн хэрэгсэл ирж үнэ төлбөргүй дэлхий даяар сурталчиллаа. “Монголын коммунистууд Оросуудын тусламжтайгаар сөрөг хүчнээ дарах өдөөн хатгалга байсан”, “америкчууд монголд ураны хувьсгал хийх гэж оролдлоо”, “Монголд өнгөт хувьсгал хийх гэсэн барууны гар хөл болсон хөдөлгөөнүүдийн ажил” гэх зэргийн тайлбарууд зүүлттэй. Чухамдаа ямар өнцгөөс харж буйгаас шалтгаалан уг асуудлыг монголын дотоод улс төрийн зөрчил, байгалийн баялаг, гадаад бодлого, их гүрнүүдийн ашиг сонирхлын өргөн хүрээнд харах гэсэн таамаглалууд юм. Энэхүү илтгэлд үйл явдлын суурь учир шалтгаан руу таны анхаарлыг хандуулах болно.
ДОЛООН САРЫН НЭГНИЙ ӨМНӨХ МОНГОЛ ОРОН
Гурав дах давалгаа: 1980-аад оны сүүл гэхэд “ардчиллын гурав дахь давалгаа” дэлхий нийтийг хамарч дэлхий ертөнцийн олон газарт авторитор дэглэмүүд нурж унасан юм. Ингэж монгол 1990 оны ардчилсан хувьсгалтай золгож постсоциалист орнуудын адил “зах зээлийн эдийн засаг”, “ардчилсан засаглал”-руу шилжих үйл явц эхэлжээ. Ф.Фукиямагийн либерал үзэл баримтлал эргэлт буцалтгүй ялж “түүх төгсгөл ирлээ” гэсэн дүгнэлт алдаршиж, хандивлагч нар “Вашингтон консенсуас” нэгдэж, дэлхий ертөнцийг ардчилалд шилжихэд нь туслах сангуудын үйл ажиллагаа хэзээ хэзээнээс илүү идэвхижсэн юм. Чухамдаа ийм л процессын нэгэн хэсэг болж монголчууд бид арван найман жилийг ардаа үлдээжээ. Туулсан замаа нэхэн харвал алдахдаа алдаж онохдоо онож л явсан байх. Ямар боловч нэгэн үеийн монголын түүх долоон сарын нэгнээр төгсөж шинэ үеийн түүх энүүгээр эхэллээ.
Магтаал ба шошго: Долоон сарын нэгэнд сонгуулийн булхайг эсэргүүцсэн иргэдийн жагсаал (demonstration), түүний дараах олон нийтийн хүчирхийлэл (public violence), дээрэм, түймэр, цагдаа иргэдийг буудан хороосон, иргэдийг тэр дотроо хүүхдүүдийг хууль бусаар барьж хорьсон зэрэг олон аймшигтай үйл явдал болж өнгөрчээ. Онц байдал зарлаж, хэвлэл мэдээллийн хэрэгслийг хаав. Үүнээс хойш багагүй хугацаа өнгөрлөө. Гэтэл улс төрийн хүчнүүд асуудлыг үнэлж дүгнэхийг оролдсонгүй. Зөвхөн энэ асуудлыг ч биш ер нь бид өнгөрсөн арван найман жилийн түүхээ зөвхөн магтахаас гадна бодитой үнэлж байл уу? “Төв азийн цээжин дээр ардчиллын арал”, “Монголын ардчилал сайн”, “институтжсан”, гэх мэтийн цаасан малгайг өмсөж явсаар долоон сарын нэгнийг хүргэлээ. Бид дандаа магтуулах дуртай хүүхэд шиг л байлаа. “Болж байна энэнээс илүү яахав”, “социйн үед ямар байлаа”, “битгий дандаа шүүмжлэлт нүдээр хар”, “алдаа оноо байгаа ч бид урагшилж л байна” гэсэн нэг л өнгө аястай дүгнэлт, өөдрөг парадигмыг нийгэмд тулгаж тэрүүгээрээ бүхнийг хааж явсаар яг арван найман жил болжээ. Асуудал дэвшүүлж үнэн рүү дөхөхийг оролдсон хүмүүсийг “шизотой”, “хятадын эрлийз”, “бүтээгч биш шүүмжлэгч” гэсэн нэр шошго нааж үзэл санааных нь үнэ цэнийг алдагдуулж хувийн асуудал болгон хувиргаж байлаа.
Урсгал сөрөгчид: Нийгэмд өөрсдийгөө өмөөрөх “дарга анги”-ийн философи л хувааргүй ноёрхож нийгмийн үнэт зүйлсийг тодорхойлж ирлээ. “Монголд авлига байхгүй”, “сонгууль дажгүй хийлээ, яахав алдаа байгаа”, “ажил хийж байгаа хүн алдаж онолгүй л яахав” гэсэн үгийг бид сонсож тэд хэлж нэгэнт даджээ. Гэвч бид буруу замаар яваад байна гэж олон хүн урсгал сөрөн ярьж шүүмжилж байсныг зайлшгүй дурдах ёстой. Тэднийг болзмол байдлаар нэгд судлаачид эрдэмтэд, хоёрт улс төрч, төрийн албаныхан, гуравт утга зохиол, сэтгүүлчид гэсэн гурван үндсэн бүлэгт хуваан үзэж болно. Эхний бүлэгт Баабар, Б.Батчулуун, Ц.Болд, Д.Ганхуяг, С.Дашдаваа, Х.Тэмүүжин, Т.Ундарьяа, Б.Чимид, Г.Чулуунбаатар, Д.Чулуунжав зэрэг олон хүмүүс судалгаа шинжилгээний ажлын үндсэн дээр санал хэлж байлаа. Дараагийн хэсэгт Ж.Батзандан, Э.Бат-Үүл, Д.Энхбат, М.Энхсайхан зэрэг цөөхөн хүмүүсийг дурдагдана. Сүүл хэсэгт нь Л.Баатархуяг, Ц.Гомбосүрэн, Л.Дашням, Л.Мөнхбаясгалан, Б.Лхагвасүрэн, С.Сосорбарам, Д.Урианхай нар ч байгаа. Дээр дурдсанаас гадна маш олон хэрэгжүүлэгчид (practitioners) Г.Баасан, Б.Болдсайхан, Р.Бурмаа, Д.Жаргалсайхан, Ж.Занаа, М.Ичинноров, Ж.Лхагважав, О.Магнай Ц.Мөнхбаяр зэрэг олон хүн бий.
Шилжилтийн төгсгөл: 2002 оны хавар АНУ-ын тэргүүлэх “Ардчиллын сэтгүүл”-д сэтгүүлд Т.Каротерсийн (Carothers 2002) “Шилжилтийн Парадигмийн Төгсгөл” нийтлэгдэв. Гарсан даруйдаа асар шуугиан тарьсан бөгөөд сүүлийн хорь гаруй жилийн туршид ардчиллын судалгаа, сэтгэлгээний ололт, тэргүүлэх эрдэмтэдийн үзэл баримтлалд маш хүчтэй цохилтыг өгчээ. “Шилжилтийн” гэдэг ерөнхий онолыг бүрдүүлэгч гол үндэслэлийг таван аргументаар шүүмжилж дампуурсан болохыг тэрээр зарлаад олон зүйлийг эргэн харах шаардлагатай гэдгийг мэдэгджээ. Тэргүүлэх эрдэмтэд тэр өгүүллийн талаар өөрсдийн сэтгэгдлийг бичиж эхэлсэн бөгөөд энэ бүхнийг тусад нь нэг дугаар болгож гаргав.
Саарал бүс: Т.Каротерс монголын ардчиллыг “Саарал бүс”-ийн “сулхан плюрализм” (Into the Gray Zone-feckless pluralism) гэж дүгнэсэн. Тэрээр үүнийгээ тодорхойлохдоо “Сулхан плюрализын онцлог нь олон ургальч үзэл нэвтэрсэн, нийгэмд улс төрийн эрх чөлөө байдаг, сонгууль тогтмол явуулдаг, улс төрийн хүчнүүд хоорондоо эрх мэдлийг ээлжлэн шилжүүлдэг зэрэг эерэг тал байгаа ч ардчилал бага төлөвшсөн байдаг. Иргэдийн улс төрийн оролцоо сонгуулийн үед маш идэвхтэй өрнөдөг ч санал өгөхөөс цаашгүй, гол улс төрийн намуудын удирдлагууд хээл хахуульд идэгдсэн, зөвхөн өөрсдийн эрх ашгийн төлөө ярьдаг, удирдах ур чадвар тааруухан, эрх мэдэл шилжсэн ч нэг бүтэлгүй толгойноос нөгөөд шилждэг бөгөөд ард иргэд нь улс төрөөс залхсан, ялзарсан хээл хахуульд идэгдсэн зөвхөн дээд зиндааныхны хийдэг ажил гэсэн ойлголттой явдаг сэтгэл дундуур явдаг. Төр засгийн аппарат харьцангүй сул, эдийн засгийн бодлого маш тааруухан төлөвлөгдөж, гүйцэтгэл нь бүр дорой байдаг тул эдийн засгийн байдал хүндэвтэр, нийгмийн болон улс төрийн шинэчлэл бас л хүндрэл бэрхшээлтэй тулгарч улс орны тулгамдсан асуудлыг шийдвэрлэх чадваргүй байдаг. Зарим оронд эрх мэдэл шилжүүлэх нь түр зуурын холбоо байгуулах, олоны дунд ганц нэг нэр хүндтэй хүнээр толгойлуулсан халаасны нам байгуулах, жишээтэй” гэв. “Саарал бүс”-ийн орнууд нь өнгөц харахад ардчилалтай мэт харагдаж институтууд ажиллах боловч эцсийн үр дүн нь эрх мэдлийг гартаа авсан цөөхөн бүлэг хүмүүст чиглэсэн байдгаараа онцлогтой.
Бүр 1990 онд С.Хантингтон (Samuel Huntington 1991) монголын ардчиллын шилжилтийг “шилжүүлэн суулгаж байгаа” (transplacement) ардчилал хэмээн тодорхойлсон. Тэгэхлээр энэ нь бүтэлгүйтэх аюул ямагт дагалдаж байдаг уу гэсэн асуулт дагалдан гарч ирнэ. Майкл Мкпаул монголыг бүр 2002 онд “хагас ардчилалтай” (Partial-Democracies) (McFaul, Noncooperative Transitions in the Postcommunist World 2002) гэсэн ангилалд оруулсан. Ерөнхийдөө монголын ардчиллыг нэлээд эерэгээр үнэлж байсан гол хүн бол С.Фиш, Т.Гинсбүрг нар бөгөөд С.Фиш “Freedom House”-ийн судалгааг үндэс болгодог.
Шилжилтийн асуудлыг тусгайлан судалдаг дэлхийн 119 улсыг багтаасан “Бертельсманы шилжилтийн индекс”(Bertelsmann Transformation Index) судалгаанд 2006 онд Монгол Улс нь 10 оноо авахаас 6 оноог авч байсан бол 2008 онд 6.25 авч 43-р байрнаас 44-р байранд орж ухарчээ. Чухамдаа ингэж постсоциалист тогтолцоонд харъяалагдаж байсан орнуудад явуулсан шилжилтийн ижил төстэй бодлогууд зарим газар амжилт олоод зарим газар дампууран унасны шалтгааныг институцтай холбон тайлбарлаж байна. 1990-ээд онд АНУ тэргүүтэй олон улсын байгууллага болон хандивлагчид хөгжиж буй болон шилжилтийн эдийн засгийн асуудалд хандах гол чиглэлийг тодорхойлсон “Вашингтоны зөвшилцөл” гэсэн баримт бичигт 1) Хувьчлах, 2) Төвлөрлийг сааруулах, 3) Либералчлах гэсэн дэс дараалсан эдийн засгийн бодлогын үндсэн хэсгүүдтэй бөгөөд тухайн цаг үеийн хамгийн шинэлэг онолын сэтгэлгээг зүй ёсоор агуулж байжээ. Өнөөдөр яг энэ шалгуураар монголд хэрэгжсэн бодлогыг эргэн харж дүгнэн үзвэл Монголынх бүхэлдээ бүтэлгүйдсэн орны жишээнд орох юм. Судлаач Д.Ганхуягийн бичсэнээр 1989 онд социалист БНМАУ дэлхийд нийгэм-эдийн засгийн үзүүлэлтээрээ дэлхийн 200 гаруй улсаас 72 дугаар байранд байсан бол одоо 170–180 дугаар байранд орж байна.
Авлига: 1999 онд “Ардчилсан холбоо” эвсэл МАХН-д ЗГ-ыг хүлээлгэн өгөхийн өмнө Монголчууд бид авлигаараа дэлхийн 99 орноос 43-т 4.3 оноотой явж байж. 2004 онд МАХН засгийн эрх барьж Н.Энхбаяр даргатай, Н.Багабанди ерөнхийлөгчтэй байх үед Монголын авлигын индекс 146 орноос 85-д нь ортлоо хойшилж 3.0 оноотой болж муудсан юм. Энэ жилүүдэд авлига хэмжээ хязгааргүй өсч “дарга анги” монголд авлига байгаа гэж хэлсэн хүмүүсийг “чи яаж мэдэж байгаа юм баримт нь байгаа юм уу гэж” гэж даапаалдаг байлаа. 2004 оны сонгуулийн дараа хоёр намын “Зөвшилцөл 1, 2” хэрэгжиж байхад авлига улам бүр газар авсаар л байв, ямар боловч Ерөнхий сайд Ц.Элбэгдоржийн сүүлчийн жил болох 2006 онд авлига 163 орноос 102-т орж 2.8 оноо автлаа доошоо орсон юм. Дээрх судалгаанаас харахад монголчууд бид лав л авлигыг амжилттай хөгжүүлсэн юм байна, харин ардчиллыг хөгжүүлж чадсан болов уу. 2006 онд Монголд “Ардчиллыг бэхжүүлэх үндэсний хөтөлбөрийг боловсруулах”-тай холбогдсон судалгааны ажлыг НҮБ-ээс санхүүжүүлж МАХН-ын Г.Чулуунбаатар, АН-ын Д.Ганбат зэрэг голлох эрдэмтэдийн хамтарч хийсэн судалгаагаар “Монгол дахь ардчилсан засаглалын төлөв байдлын үнэлгээ 3.02 буюу ардчилсан ба ардчилсан бус шинжүүд ойролцоо байна” гэсэн дүгнэлт гарав. Шуудхан хэлбэл “хагас ардчилал” гэдэг нь “хагас дарангуйлал”-д байгаа гэсэн үг юм. Дүгнэвэл монголын улс төр, эдийн засгийн шилжилт дуусаагүй харин гацчихаж үүнийг хүлээн зөвшөөрөх хэрэгтэй болжээ. Үнэхээр ч сонгуулиар засгийн эрх мэдлийг шилжүүлэхээ больж, сөрөг хүчин байхгүй болж, хэлбэр төдий сонгуультай Монголыг өдгөө ардчилсан гэж тодорхойлоход туйлын ярвигтай болоод байна.
Дээрх байгууллага, судлаачдын дүгнэлтийг долоон сарын нэгний жагсаал, түүний дараахи олон нийтийн хүчирхийлэл нотоллоо. Гэтэл уг үйл явдлын дараа ч гэсэн “хэрэг хийсэн хүмүүс шийтгүүлэх ёстой”, “энэ төр засаг гэж байдаг юм бол яллах ёстой” гэсэн энгийн бөгөөд хялбар дүгнэлтээр л амаа таглаж байна. Тэгээд “бүх юм хуулийн дагуу байх ёстой” гэж нэмж хэлэхээ мартахгүй байна. Үнэхээр л монголд бүх зүйл хуулийн дагуу байдаг юм бол ийм зүйл болох байсан гэж үү.
Юу болов? Уг нь долоон сарын нэгний өдөр сүртэй юм болоогүй. Энэ өдөр намууд өмнөхөөс илүү булхай хийгээгүй (өмнөх шигээ МАХН манлайлаад л бусад нь тохиролцоод л хийсэн), энэ өдөр СЕХ аймаар муу ажиллаагүй (өмнө ч гэсэн ингэж л ажиллаж байсан), чухам энэ өдөр хөдөлгөөнүүд анх удаа жагсаагүй (магадгүй 35 дахь жагсаал байсан), зөвхөн тэд ч чулуу шидээгүй (Оюутнууд, “Даяар монгол”-ынхон бүх төрийн ордны цонхыг чулуугаар хагалж байсан), энэ өдөр цагдаагийнхан гэнэт хүний эрхийг зөрчөөгүй (өмнө зөндөө хүн цагдаад зодуулж үхэж л байсан), Ерөнхий сайд ч гэсэн анх удаа намын даргын байрандаа хоргодоогүй (ер нь дандаа намын даргын байр сууринаас ажилладаг байсан), энэ өдөр ХЭК өдөр болгон ажилладаг шигээ ажилласан (Комиссын дарга хүний эрх зөрчигдөөгүй гэж мэдэгдсэн), ял сонсож байгаа хүмүүсийг өөр хуулиар шүүгээгүй, (2002 оноос гар утас хулгайлсан хүүхдэд 7 жилийн ял өгдөг хуулийг хэрэглэж байгаа), Монгол ТВ зөвхөн энэ өдөр л гэнэт нэг талыг бариагүй (угаасаа эрх барьж байгааг нь үргэлж барьдаг), ганцхан энэ өдрүүдэд АН монголын ардчиллыг худалдаагүй (угаасаа тэд боломж гарвал л хэдэн сайдны суудлаас худалдаж ирсэн), яг энэ өдөр л Парламент хаалттай хуралдаагүй (болж өгвөл үргэлж хаалттай хуралдах санаатай байдаг), Ерөнхийлөгч зөвхөн энэ өдөр эрх мэдлийг аваагүй (угаасаа л маш их эрх мэдэлтэй). Хэрвээ Байшин шатаасан, хүн буудсан хоёрыг л эс тооцвол бидний өдөр болгон хардаг ердийн нэг л зураг байгаа биз дээ.

ДОЛООН САРЫН НЭГНИЙ ДАРААХ МОНГОЛ ОРОН
Төрсөн өдрийн маргааш нь шартаж шинэ амьдралтай золголоо. Арван найман насны босгон дээрээс харахад амьдрал маань сайнгүй байна. Илтгэлийн гол санааг эрэмбэлсэн зургаан алхмаар илэрхийлнэ. Яг үнэндээ бол нэг л зүйлийг зургаан төвшин, салбарт хувааж өгүүлэх болно. Энэ бол өдөр тутам ярьдаг хяналт, хариуцлага, гагцхүү үүнийг нийгэм, улс төрийн системийн төвшинд зураглавал ийм зураг харагдана.
Алхам 1. Хяналт ба эрх мэдэл хуваарилалт
Бидний алдаа бол эрх мэдлийг анхнаасаа хуваарилж чадаагүй, гүйцэтгэх засаглалд төвлөрүүлсэнд байна. Үүнийг нэгд: ЗГ-т хууль санаачлах, боловсруулах илүү бодит институтын давуу тал байгаа, хоёрт: намуудад намын дарга нь Ерөнхий сайд болдог жишиг тогтсон, гуравт: ЗГ-ын гишүүн УИХ-ын гишүүн давхар хийж болно, дөрөвт: Ингэж давхар хийж байгаа гишүүдийн тоо нийт УИХ-ын гишүүд дотор бараг дөрөвны нэгийг эзлэхээр хүчтэй байна. Ийм нөхцөлд УИХ яагаад ЗГ-ыг хянаж чадахгүй гэдэг нь ойлгогдох бөгөөд гүйцэтгэх засаглалын хяналтгүй эрх мэдэл бүх шатандаа авлигын сүлжээг гааруулж хүний эрхийг нулимаж байна. Дээр нь Парламент институтийн чадавхи сул, шийдвэр гаргах механизм нь удаан, хариуцлагагүй, парламентийн гишүүд сонгогчдынхоо өмнө хариуцлага хүлээх механизм байхгүй. Уг нь эрх мэдэл хуваарилах зарчмын гол зорилго нь тоглогч нарт бялуу хувааж өгөхөд бус харин дарангуйлахад ямагт бэлэн байдаг хүчийг хэсэгчлэн тасчиж, харилцан зөрчилдүүлэх замаар хяналт үүсгэж, үүгээрээ хүний эрхийг хамгаалах явдал билээ. “Эрх мэдэл авлигыг төрүүлнэ, хязгааргүй их эрх мэдэл хязгааргүй авлигыг төрүүлнэ” гэсэн үнэн үг бий. Авлига бол манай улс төрийн системийн бүтээгдхүүн юм. Гэтэл Үндсэн хууль хүний эрхийг хамгаалах байтугай өөрийгөө ч хамгаалж чадахгүй байгаа бодит үнэнтэй эвлэрэе. Ийм шүүмжлэл өрнүүлээд эхлэхээр Ерөнхийлөгчийн засаглалтай больё гэж далим хайж дарангуйлал тогтоох сонирхолтой цөөнгүй этгээд байгаа учраас уг сэдвийг түр орхиё.
Алхам 2. Хяналт ба Төв засгийн газар-орон нутгийн харилцаа
Өнгөрсөн 18 жил бид орон нутгийн удирдлагатай ч юм шиг үгүй ч юм шиг явж ирлээ. Бид “ардчилал орон нутгаас эхэлнэ”, “монгол холбооны улс биш” гэсэн ухаантай үгнүүдийг холиод цээжилсний үр дүн нь энэ дээ. Одоо уг асуудлыг үндсэн хуулийн төвшинд л ярина. Юуны түрүүнд эрх мэдэл хуваарилалтын тэнцвэр хангахын тулд Үндсэн хуулинд заасан орон нутгийн удирдлагын тухай зөрчилтэй, хуучинсаг заалтыг өөрчилж орон нутгийг эдийн засаг дээрээ суурилсан, биеэ даасан, эрх мэдэлтэй өөрийн удирдлагатай болгох явдал чухал байна. Гэхдээ үүнийг аль социализмын үеээс засаг барьж байгаа орон нутгийн намын хороон дарга, шинэ цагийн бизнесменүүдэд зориулж биш харин иргэдэд зориулж хийх учиртайг мартаж болохгүй. Ингэж л шинэ цагийн “феодал”-уудын өөрсдөө сонгууль зарлаад, өөрсдөө нэр дэвшээд, өөрсдөө тоолоод өөрсдөө ялж байгаа эрээ цээргүй үйлдлийг таслан зогсооно. Хөлбөмбөгөөр бол шүүгч гэнэтхэн гоол хийгээд унавал яах вэ ийм тоглолт үзэгчид баярлалаа гэж хэлэх үү. Өөрөөр хэлбэл иргэдийн өмнө хариуцлага хүлээдэг орон нутгийн удирдлагыг бий болгоно гэсэн үг. Чингэвэл орон нутгийн институт өөрөө төв засгийн газарт хяналт тавьж эхлэх бөгөөд бас эрх мэдлийг тэнцвэржүүлэх зарчим давхар ажиллаж эхлэнэ. Дээр нь нэмээд орон нутгийн татварын систем, байгалийн баялгыг ашиглахад давуу эрхийг нь эдлүүлбэл аймгуудын дунд өрсөлдөөн бий болж улмаар УБ хотод үүсээд байгаа шилжих хөдөлгөөн, ядуурал, байгаль орчны хамгаалал зэрэг олон асуудлыг тэд өөрсдөө шийднэ.
Мөн 1990 оны “дуусаагүй хувьсгал”-ын орхисон нэг чухал ажил бол засаг захиргаа нутаг дэвсгэрийн хуваарь мөн бөгөөд яг хуучнаараа өнөөг хүрлээ. Аль социализмын үеийн үрэлгэн хэнд ч хэрэггүй систем дээр сонгуулийн тогтолцоог давхарлаад, нутгархах үзлээ хольчихоор яаж ч хөгжих вэ дээ. Уг нь аль таван жилийн өмнө бид чухам энийг л шийднэ гээд л эрх баригч хоёр нам өвөр түрийдээ ороо биз дээ. Одоо хаана байна?
Алхам 3. Хяналт ба Шүүх засаглал
Шүүх эрх мэдэл бие даасан байдлаа алдахлаар нийгмийн шудрага ёс яаж устаж, яаж дампуурдагийн жишээг монголоос харж болно. 2000 он хүртэл энэ машины хохирогч нь ихэвчлэн ардчилсан хүчнийхэн тухайлбал Ц.Элбэгдорж, С.Батчулуун, Х.Гүндалай зэрэг хүмүүс байдаг байсан бол сүүлийн үед дандаа нөгөө намынхан У.Хүрэлсэх, Занданшатар нар болж солигдлоо. Яагаад Ерөнхийлөгч бүрийг бид шүүхэд нөлөөлж байна гээд харддаг болчихов? Бас сонгогдсон Ерөнхийлөгч нь “би намаасаа татгалзаж байна” гэж хэлэхээр л “монголын эв нэгдлийн бэлэг тэмдэг” болчихдог үлгэр байна, тэгснээ дараагийн сонгуулиар буцаад л нөгөө “намаасаа нэр дэвшдэг”, мэдээж гарт нь дээд шүүхийн шүүгчийг томилох эрх мэдэлтэй, ийм байж ер нь болох уу. Үлгэр домгийн ийм заалтыг төр дээдэлдэг сэтгэлгээний илрэл гэхээс өөрөөр шинжлэх ухааны үүднээс би лав тайлбарлаж дөнгөхгүй. Ер нь анхнаасаа үндсэн хуульд “Төрийн тэргүүн томилно”, эсвэл “УИХ-тай хувааж тохиролцоно” гээд бүх юмыг хялбарчлаад хаячихсаны хар гай олон зүйл дээр гарч байгаа юм.
Алхам 4. Хяналт ба хууль
Өнгөрсөн хугацаанд батлагдсан нийт хуулийн агуулгыг төр ба иргэн гэсэн хоёр хэсэгт хуваагаад тавиад үзэх юм бол бараг бүгд “дарга анги”-ийн өөртөө зориулж баталсан хууль гэдгийг ойлгоход төвөгтэй биш. “Монгол төрийн төлөө хоёргүй сэтгэлээр зүтгэж байгаа” гэж өөрсдийгөө тодорхойлдог хүмүүс төр төвтэй, социализмын үеийн үзлийг баримталж эдгээр хуулийг бичсэн болохоор иргэдийн эрх чөлөөг хамгаалах, хяналт тавих, зүйл заалтыг хайвал цагаа үрэхийн нэмэр. За яахав реклам болгож тавьсан ганц нэг үзүүлэн бий. Шоу гэдгийг нь ойлголгүй тэр заалтыг бариад асуудлаа хөөцөлдөж гэнэдэв ээ. Одоо сүүлдээ хууль тогтоох байгууллага нь хуулиа батлахдаа хүртэл хуулиа зөрчдөг болсон. Их хурлын дарга нь өөрөө хуулиа засдаг газарт иргэдийн жагсахыг ойлгож болох талтай.
Дэлхийн олон оронд төр гэж өөрсдийгөө нэрлэсэн хүмүүс эрх мэдлээ ашиглан иргэдийн эрх чөлөөнд халдах явдал гардаг. Тухайлбал “Уотергейтын хэрэг”-ийг дурдаж болно. Тиймээс төрийн эрх мэдлийн хэмжээ заагийг хуулиар сайтар хязгаарлах ёстой, ямар ч хуулийн эцсийн зорилго нь иргэдийн эрхийг хамгаалахад л оршино. Хэрвээ ийм шалгуурыг баримталбал манай үндсэн хуулиас эхлээд бүх хууль гологдоно. Тэднийг бүгдийг нь шинэчлэх хэрэгтэй. Өнөөдөр хуулийг биелүүлэхгүй байх нь бахархал болон хувирчээ. Хүн болгон үл үзэгдэгч мэт хоёр амьдралаар амьдрана. Гоё нэртэй хууль цаасан дээр бол байгаа, харин бодит амьдрал дээр бол социал дарвинист дүрэм журам үйлчилнэ.
Алхам 5. Хяналт ба сөрөг хүчин
Ардчилсан нийгэмд хамгийн чухал хяналт бол сөрөг хүчин. Харамсалтай нь манайд одоогоор алга байна. Чухамдаа сөрөг хүчин иргэдэд тусалж төрийн бодлого, шийдвэрийн аюул, занал, худал хуурмагийг илчлэн хяналт тавих үүргийг гүйцэтгэдэг. Гэтэл “бид монгол төрд сөрдөггүй, бэлтгэл хүчин болно” гэсэн лоозон сонсогдож байна, за яахав үүнийг социализмын үеийн сэтгэлгээний толбо, үндэсний маягийн зүйлтэй холилджээ гэж тайлбарлаад өнгөрч болох ч ерөөсөө ардчилсан нийгмийн мөн чанарын эсрэг үзэл санааг нийгэмд түгээдэг улс төрийн нам хүртэл монголд бий. За тэгээд шүүмжилж, эрүүл саруул хэлэлцүүлэг хийх гэсэн хүмүүсийг “эх орны эрх ашиг” (үнэндээ олигархиудын эрх ашиг), “түүхэн боломж” (хувааж идэх шанс гэсэн үг), “цөөхөн монголчуудыг эвдрэлцүүллээ” (хэрэв олон бол болно гэсэн үг үү), “юм хийлгэхгүй улс төржүүллээ” (дуугай алга ташаад суу гэсэн үг), одоо эв нэгдэлтэй байж хөгжинө (эв нэгдэл гэдэг нь худал хуурмагийг хаах бамбай) гэж гутаан доромжлоно. Энэ бүхний эцсийн үр дүн нь долоон сарын нэгний төрсөн өдөр.
Аль социализмаас өмнө байгуулагдсан нам нэрнээсээ эхлээд огтхон ч реформ хийсэнгүй. Монголд хангалттай хуучны уламжлалтай коммунист нам байхад тэрэн шинээр үүссэн намууд нь бүр ч хуучинсаг коммунист үзлээр сюрприз барина. Тухайлбал сонгуулийн өмнө Ардчилсан намын “сонгуулийн хуулийн өөрчлөлт”, “эмэгтэйчүүдийн квот”-ыг эсэргүүцэж байсан нь үүний тод жишээ мөн. Шинэ намууд нь хуучинтайгаа өрсөлдөхийн тулд тэрнээсээ долоон дор зохион байгуулалт, санхүүжилтын схемийг бодож олж байна. Аль зуун жилийн өмнө “үүссэн төвлөн удирдах ардчилсан зарчим” гээчийг монголын бүх намууд тэр байтугай ТББ-уудыг хэрэгжүүлж байна. Ийм л нөхцөл байдлын улмаас өнгөрсөн 18 жилийн сонгуулийн түүхэнд чухамдаа ардчилсан хүчин ганцхан удаа ялалт байгуулсан юм. Одоо эргээд харахад энэ бол “Ардчилсан холбоо” эвслийн ялалт биш харин МАХН-ны ялагдал байж гэж дүгнэж болох бөгөөд түүнээс сургамж авсан МАХН дахин ийм алдаа хийсэнгүй. АН ч гэсэн өөрсдийгөө худалдах замаар долоон сарын нэгний “парти” хийх үндсийг тавилцсан. Тэгэхлээр “Ардчилагчдын хараацай” нар ч коммунист системийг нураасан гавьяаг монголын ардчиллыг худалдаж “парти” хийсэн хариуцлагыг цуг үүрнэ. Үр дүнд нь эрх баригч нам хүч чадлаа огт алдалгүйгээр барьж түүнийгээ хэсэгчлэн худалдах замаар баталгаажуулж улмаар монгол орон улам бүх авторитар дэглэм руу гулсан орж байна. “Эв нэгдэл”, “хамтын ажил”, “талцахгүй байх”, “улс орондоо хийж бүтээх” гэсэн гоё үгний цаана хуйвалдаан, тохиролцоо, хуваан авах ажил л явагдаж байна та эсэргүүцэх үү? Тэгээд үүнийгээ бүр шинжлэх ухаанжуулаад “зөвшилцлийн ардчилал” гэсэн гоё үгээр нэрлээд тийм номыг нь хайж олж орчуулуулаад зохиогчоор нь өмнөх үг бичүүлчихсэн байна. Уг нь тэр хүнээсээ “зөвшилцлийн ардчилал” гэдэг чинь Ерөнхийлөгчид өрсөлдөж байгаа хоёр хүний нэгийнх менежер нь Ерөнхий сайд, нөгөөгийнх менежерээр шадар сайд нь байхыг хэлдэг юм уу гээд асуугаад үзэх хэрэгтэй. Яг ийм жишээг монголоос өөр хаанаас ч хайгаад олохгүй. Үгүй олж болно гагцхүү “саарал бүс”-ийн орнуудаас хангалттай олж болно. Ерөнхийлөгчтэйгээ сонгуульд өрсөлдчихөөд дараа нь өөрөө хүртэл Ерөнхийлөгчийнхөө төлөө саналаа өгсөн гэдгээ хүлээдэг Төв Азийн орнуудаас харж болно. Тэр ч битгий хэл үндсэн хуулиндаа өөрийгөө бүх насаараа Ерөнхийлөгчөөр сууна гээд биччихсэн ардчилсан үндсэн хуультай улс ч хажууханд зөндөө л бий. Тэд бас намайг сонгохгүй бол “манай орны эв нэгдэл байхгүй болж иргэний дайн гарна” гэж хэлдэг юм.
Т.Каротерс энэ тухай гайхамшигтай бичжээ. Тэрээр “Сулхан плюрализм маш олон төрөлтэй. Зарим тохиолдолд эрх мэдлээ шилжүүлэн хуваалцдаг улс төрийн хүчнүүд бие биенээ үзэж чаддаггүй бөгөөд сөрөг хүчин байхдаа өрсөлдөгч намаа хааж боох, юу ч хийлгэхгүй байхыг зорьдог. Үүний нэг тод жишээ бол Бангладеш улс. Өөр бусад олон оронд улс төрийн хүчнүүд ил болон далд байдлаар сөргөлдөж, Никарагуад 1990-ээд оны сүүлээр болсон шиг эрх мэдэл шилжүүлсэн ч түүнийгээ үр дүнгүй болгох жишээтэй. Сулхан плюрализм нэрвэгдсэн Аргентин болон Балба мэтийн орнуудад баттай байр суурь эзэлсэн нам хоорондын өрсөлдөөн нь үндсэндээ хуйвалдааны шинжтэй болдог. Зарим оронд эрх мэдэл шилжүүлэх нь түр зуурын холбоо байгуулах, олны дунд ганц нэг хүнээр толгойлуулсан халаасны нам байгуулах, эсвэл Украйн болон Гватемал шиг улс төрийн ерөнхий дүр төрхөө тодорхойлохын тулд түр зуурын эвсэл холбоо байгуулах жишээтэй. Хэдийгээр эдгээр нөхцөл байдал гаднаас нь харахад ялгаатай мэт боловч бүгд л нэг шинж чанарыг агуулдаг. Тэр нь улс төрийн элитүүд дотроо өрсөлддөг ч нийт хүн ам, ард иргэдээсээ тасархай ангид болж, улс төрийн амьдралын утга учрыг алдагдуулж, үр өгөөжгүй болгодог юм” гэсэн нь монголыг тэр чигээр зурагласан байна.
Алхам 6. Хяналт ба иргэдийн оролцоо
1990 оны хувьсгалын хамгийн чухал уриа лоозон (социализмыг төгөлдөршүүлэхээс гадна) байсан “хүний эрхийг хамгаалах” нь өнгөрсөн хугацаанд нэг ч ахиц дэвшиц гарсангүй. “Дарга анги” хүний эрхийг хамгаалах ажлыг нэг өдөр, нэг цаг минут ч хийсэнгүй харин ч эсрээрээ боломж гарангуут л дарангуйлж, хүнд суртлыг нэмэгдүүлэхийг хичээж ирлээ. Бид өөрсдөө сонгосон хүмүүсээсээ айж явж амьдарч байна, уг нь тэдэнд “дарангуйлагч авир гаргаарай” гэдэг үүрэг даалгаврыг өгөөгүй л юм шиг санагдана. Хамгаалуулж явах учиртай цагдаагаас айж амьдардаг цөөхөн орны нэгнийх иргэн билээ би. Манай төр засаг үйлчилгээгээ нэг л өдөр “Нээлттэй хаалга” болгодогийг эс тооцвол бусад үед хаалттай байдаг билээ.
Хүмүүс өөрсдийн тусын тулд хамтын сонголтыг хэрэгжүүлэхээр төрийг бий болгодог гэж орчин үеийн онолд үзнэ. Өөрөөр хэлбэл иргэд эзэн болж төр гүйцэтгэгч болно гэсэн үг. Тэгсэн мөртлөө иргэд өөрсдөө төрийн гаргасан шийдвэрт үг дуугүй захирагдах ёстой, энэ бол төрөөс өөр хэнд ч байдаггүй монопол эрх мэдлээр тайлбарлагдана. Ийм тохиолдолд бидний байр солигдож Төр нь эзэн болоод ИРГЭН нь гүйцэтгэгч болж хувирна. Өөрөөр хэлбэл Иргэн ба Төрийн харилцаа нь хоёрдмол шинжтэй ажээ. Судлаач Дж.Бьюкени энэ хоёрдмол байдлыг “Захирагдагчийн парадокс” гэж нэрлэсэн юм. Хэдийгээр иргэд төрд зарим үүргийг гүйцэтгүүлэхээр тодорхой эрхийг даатгаж өгч төрийг бий болгодог хэдий ч төр бий болмогцоо өөрийн гаргасан тушаал шийдвэрийг дагаж мөрдөхийг шаарддаг. Дээрх гацаанаас үүдэн дараах хоёр асуудал урган гарч ирнэ. Нэгдүгээрт, иргэд хэдийгээр төрийг бий болгодог ч гэсэн төр гэнэт “мангас” болон хувирч иргэдийн хэлэлцэж тохиролцсон тохироог биелүүлэхгүй заасан хязгаараас хальж иргэдийн эрх ашгийг анхаарахгүй харин ч иргэдэд өөрийн хяналтыг тогтоох ийм явдал гарахгүй гэх баталгаа байгаа юу? Ийм аюулыг бүр 1651 онд Томс Гоббс “Левиафан” нэртэй бүтээлдээ анхааруулжээ. Хоёрдугаарт, төр өөрийн хүчирхийлэл хэрэглэх монопол байдлаа ашиглан иргэдийн ашиг сонирхлыг үгүйсгэж иргэдийн хувийн сонголт, эрх чөлөөнд халдах байдал гарахгүй гэх баталгаа бий уу?
Хүний эрхийг хамгаалахад зорилго нь чиглэгдэх учиртай хэвлэл мэдээллийн байгууллага, ТББ-уудыг гэсэн ийм шүүмжлэл тойрохгүй. Сонгууль бүрийн өмнө л ядуурал гэнэт буурдаг шиг хуурамч ТББ-ын тоо олширч зөвхөн нэг л хүчнийг дэмжих зорилгоор улс төрөөс санхүүжсэн ТВ-үүд идэвхжээд ирнэ. Мэдээллийн тэнцвэртэй байдал тооны олон цөөндөө биш өгч байгаа мэдээллийн чанарт нь байна гэдэг нь монголд улам бүр харагдаж байна. Сэтгүүлч Д.Цэрэнжав “Мөнгөө төлбөл сэтгүүлчид шударга ч байж бас чадна” гэсэн нь монгол сэтгүүлчийн л бодож олж чадах үг мөн.
Дүгнэлтийн оронд.
Монгол орныг маш энгийнээр хогийн савтай зүйрлэж болно. Хаана юу байгаа нь мэдэгдэхгүй юу хэрэгтэй юу хэрэггүй бас мэдэгдэхгүй, тэгээд гэрэл нь гэнэт асаад гэнэт унтраад л. Хогийн саванд байгаа хүүхдүүд төрсөн өдрийн баяраа нижгэр тэмдэглэлээ.
“Шилжилтийн” гэгдэх парадигм бүхэлдээ амжилт олоогүйг тайлбарласан Т.Каротерсийн үзэл санааг арван найман жилийн туршлагаараа Монгол улс дахин баталлаа. Шилжилтийн нэг үеийн цикл өнгөрснөөс биш шилжилт дуусаагүй, харин ч эсрэгээрээ шилжилт мухардалд орсон гэдэг нь харагдлаа. Зөвхөн монголд ч биш өөр олон оронд эргээд авторитар дэглэм рүү гээ ухарлаа. Үүний шалтгааныг ижил төстэй бодлогууд явуулсан нь заримд нь амжилт олоод зарим газар дампууран унасны шалтгааныг институцтай холбон тайлбарлаж байна. Тиймээс бид сая институтийн тухай л ярилцлаа, яаж сайжруулах вэ гэж.
Мэдээж бидэнд ололт зөндөө байгаа. Бид урагшлахгүй биш урагшилж байгаа гагцхүү бусад орнууд биднээс хурдан урагшилж амжилт олоод байгаа тухай л ярьж байна. Бидэнд бүх зүйл байгаа, баялаг байгаа, гайхамшигтай түүх байгаа, хүн болгоны монголоо чинь сэтгэл байгаа гагцхүү бидэнд хяналт, хариуцлагын тогтолцоо л алга байна. Хэрвээ хяналт, хариуцлага гэдэг хоёр зүйл алга бол хичнээн их баялаг, нөр их хөдөлмөр ч тус болно гэж үү дээ.
Тиймээс үүнийг хүлээн зөвшөөрч өнгөрсөн бүх хугацаанд явуулсан бодлогыг эргэн харж монголд өргөн далайцтай реформыг хойшлуулшгүй эхлүүлэх хэрэгтэй байна. Энэ ажил түүхэн тодорхой цаг үед үүргээ гүйцэтгэсэн үндсэн хуулиас эхэлнэ. Гэхдээ практик алхмын хувьд ийм яриа нь 1. Үндсэн хуулийг хүнийг эрхийг хамгаалахад л чиглүүлж сайжруулна, 2. Засаглалын хэлбэрийг солих тухай биш харин сайжруулах хүрээнд ажиллана 3. Улс төрийн бүх хүчний (Парламентад суудалтай гэж би хэлээгүй) хамтын ажиллагаа, иргэдийн оролцоог хангана гэсэн гурван гол элемент дээр бүгд нэгдэж “жентелмен гэрээ” хийсний үндсэн эхлэх учиртай. Мэдээж зэрэгцээд намын хууль, сонгуулийн хуулийг цоо шинээр батална. Дараа нь бүх намууд тарна, дахиад бүртгүүлнэ, ингээд л шараа тайлж шинэ амьдрал эхэлнэ. Энийг бид хийнэ, хийхээс өөр аргагүй, “дуусаагүй хувьсгал”-ын (unfinished revolution) бүтээгдхүүн болсон та бидэнд дуусгах эрхэм үүрэг оногдсон болой.
________________________________________
Bibliography
” Human right report on Mongolia.” http://mongolia.usembassy.gov/hrr08.html, Ulaanbaatar, 2008.
A.Tucker, Joshua. “Enough! Electoral Fraud, Collective Action Problems, and Post-Communist Colored Revolutions.” Perspective on Politics Vol5, September 2007: 535-551.
Bao”, China “Sin khua. www.inosmi.ru сайтад орчуулан тавьжээ. . August 5, 2008. (accessed 8 16, 2008).
Beissinger, Mark R. “Structure and Example in Modular Political Phenomena: The diffusion of Bulldozer/Rose/Orange/Tulip revolution.” Perspectives on Politics Volume 5, June 2007: 259-275.
Carothers, Tomas. “The end of the transition paradigm.” Journal of democracy, January Number 1, 2002.
EAGL. News. ULaanbaatar, July 1, 2008.
Fish, M. Steven. “The Inner Asian anomaly: Mongolia’s democratization in comparative perspective.” Communist and Post communist study, September 2001: 323-338.
Fish, M. Steven. “Mongolia: Democracy Without Prerequisites.” Journal of Democracy , 1998: 127-141.
Gregory Delaplace, Christopher Kaplonski, David Sneath. “The end of post socialism?” Inner Asia, 11 19, 2008: 325-65.
http://www.openforum.mn/annoucement.php?aid=379&cid=7. May 14, 2008. (accessed April 13, 2009).
“http://www.tsahimurtuu.mn/main/archive.htm?z=2803.” (accessed April 13, 2009).
Institute, International Republican. “Mongolia Parliament Election Observation Mission Report.” paper , 1212 New York Avenue, N.W., Suite 900 Washington. DC 20005, July 2, 2000.
M.Gerves, U. Bulag and G.Long. . Toronto: Toronto studies in Central and Inner Asia, 6. Asian Institute, University of Toronto, 2004. 249-261.
Marat, Erica. The Tulip Revolution: Kyrgyzstan One Year After March 15, 2005-March 24, 2006. Ph.D, The JAMESTOWN foundation, 2006.
McFaul, Michael. “Transitions from postcommunism .” Journal of Democracy , July Number 3, 2005.
—. “Noncooperative Transitions in the Postcommunist World.” World Politics, January 2002: 212-44.
R.Badamragchaa. Coalition of Monitoring and Protection of Human Rights under State of Emergency. Paper , ULaanbaatar: BCI, 2008.
Radnitz, Scott. “Networks, Localism and mobilization in Aksy, Kygyzstan.” Central Asian Survey, December 2005 42(4),: 405-424.
Sally Cummings, Maxim Ryabkov. “Situating the ‘Tulip revolution’.” Central Asian Survey, September-December 2008: 241-252.
Sneath, David. “Mongolia in the ‘Age of the Market’ .” In Markets and Moralities Ethnographies of Postsocialism, 191-210. New York: Berg, 2002.
Tiily, Charles. From Mobilization to Revolution. Addison-Wesley , 1978.
Tilly, Charles. The politics of Collective Violence. New York: Cambridge University Press, 2006.
Way, Lucan. “The real cause of the color revolutions.” Journal of Democracy, July Number 3, 2008: 55-69.

Nvivo программаар чанарын өгөгдөлийг шинжлэх нь:


Түр хугацаанд блогтоо пост хийсэнгүй. Өнөөдөр нийт социологичиддоо чанарын судалгааны Nvivo программын талаар жижиг хэмжээний материал орчуулснаа хүргэж байна. Энэхүү пресентаци нь Клауди Энгел гэдэг хүний хийсэн ажил юм. Англи хэлээр нь мөн татан авч болно шүү. Орчуулах явцад алдаа мадагтай зүйл гарсан бол мөхөс надад хэлж туслана гэж найдаж байна.

Чанарын шинжилгээ: 

• Нөхцөл байдлыг шинээр ойлгон амжилт олох: туршлага - үйл явц
• Бүтэцлэгдээгүй өгөгдлийг гар аргаар цэгцлэх
• Байгуулалт ба иж бүрдлийн менежмент
• Аргуудыг программ хангамжаар зааж болохгүй

Чанарын шинжилгээ:

• Өгөгдлийг унших -үгчилсэн, тайлбарлах, эгэх төлөөний үг
• Өгөгдлийн зохион байгуулах 1. Индексжүүлэх /категори ба код/ 2. Зохиомж, холистик, кейс судалгаа 3. Деаграммууд, газрын зургууд
• Өгөгдлийг хэлэлцэх 1. Учир шалтгааны, харьцуулсан 2. Тодорхой, өгүүлэмж 3. Эгэх төлөөний үг

Чанарын шинжилгээний хэрэгслийг компьютерт байршуулах: -тэд юу хийж чадах вэ?

Жишээлбэл: судалгаа, төрөл, хэлхээ холбоо, санаандаа төсөөлөлт, нөөцлөн хадгалах, өгөгдлийг цуглуулах, өгөгдлийн чанарыг боловсронгуй болгох, өгөгдлийг кодлох, өгөгдлийг тайлбарлах

NVIVO

• Чанарын өгөгдлийн менежмент ба шинжилгээ
• Нийтлэг өгөгдлийн эх сурвалж 1. Хагас бүтэцлэгдсан ярилцлага 2. Ажиглалт 3. Тэмдэглэгээ 4. Фокус групп
• Гол үүрэг 1. Текстийг нарийн аргаар хийх ба хадгалах 2. Кодыг нарийн аргаар хийх ба бүтээх
• Гол дэд хэсгүүд 1. Документ 2. Зангиалаа = кодууд 3. Зайлшгүй чанар 4. Тохируулга

Эх сурвалж:

• Майкл Д. Фишер (1994): Нийгмийн антропологчдын хэрэглээг тооцоолох нь
• Нигел Г. Фейлдин, Реймонд М.Ли (1998): Компьютер шинжилгээ ба чанарын судалгаа
• Боне, Маргарит С, Жон Вүүд (1992): Антропологчдын компьютерын хэрэглээ
• Вейлзмэн, Мильс (1995): Комюьютерийн программаар чанарын өгөгдлийг шинжлэх нь: Программ хангамжийн эх сурвалжийн ном
• Г.Р.Гиббс (2002): Чанарын өгөгдлийн шинжилгээ: Nvivo-гоор шинжлэх нь. Бүкенхэм: Нээлттэй их сургуулийн хүрээлэн
• Женис Морис, Лан Ричардс (2002): Чанарыг судалгааг анхлан хэрэглэгчдийн гарын авлага Sage Хэвлэлийн Газар. Лондон
• Компьютерын нэгдэлд чанарын өгөгдлийн шинжлэх программ хангамжийн төв (CAQDAS)
http://caqdas.soc.survey.ac.uk/
Тэдний ном зүйн аугаа эх сурвалж: http://caqdas.soc.survey.ac.uk/biblio.htm
• QSR http://qsr.com.au/resourses/resourses.html
(Тэднийх судлаачдад хэрэгтэй лавлагаагаа тогтмол шинэчилж, чанарын тооцоололтын ном зүйтэй. Энэ нь шинжлэх ухааны хэлэлцүүлэг, чанарын тооцоололт, QRS-ын программ хангамжын хэрэглээ зэрэг ажлуудыг сүүлийн үеийн байдлаар агуулсан байдаг.)
• Чанарын социалфоршунгын форум http://qualitative-research-net/fqs-eng.htm
• Г.Р.Гиббс, С.Фрийс, Мангабера(2002): Чанарын судалгааны үйл явцад технологи хэрэглэх нь
http://www.qualitative-research.net/fqs-e/inhalt2-02-e.htm
• Э.Стокдаль (2003): Чанарын судалгааны дижижтал аудио хураагчын төхөөрөмж
http://www.soc.surrey.ac.uk/sru/SRU38.html
• Бертранд Рассел (1998): Текстэн шинжилгээ: Чанарын болон тоон шинжилгээ. Соёлын антропологын аргуудын гарын ном http://nersp.nerdc.ufl.edu/-ufruss/bernard_ryan.pdf
• Ю.Келле (1997): Текстэн өгөгдлийн менежментийн компьютерын программ ба чанарын судалгаагаар онол бий болгохуй http://www.socresonline.org.uk/2/2/1.html
• Давтан харах программ хангамж: “салбар аргууд” http://www.acadimage.com/feild_medods/, “Чанарын социологи”, “Компьютер ба хүн төрөлхтөн”
Бусад эх сурвалжууд: SU: Нийгмийн ухааны ресоурс төв (SSRC) http://library.stanford.edu/depts/ssrc/
өртөггүй ашиг, өөрийн зөвшөөрлийн замнал, онлайн http://cbt.stanford.edu

Надтай холбогдох: cengel@stanford.edu Клауди Энгел 2003-5-14

ШИЛДЭГ ҮЗЭЛ САНАА - 1

“Нийгмийн төлөв байдал, цаашдын хандлага, тохиолдож буй болон тохиолдож болзошгүй бэрхшээл, хазайлтын талаар үнэлэлт дүгнэлт өгдөг гол субъект нь сэтгүүлчид, улстөрчид болжээ”
Доктор С.Дашдаваа

"Нийгмийн санаа бодол – Тав дах засаглал." -Социологичид-

"Олонхи нь ядуурч цөөнхи нь баялгийг гартаа хуримтлуулсан нийгмийн гүнд гэмт хэргийн тоо хүн амынхаа тооноос үлэмж их байх болно." К.Маркс

"Нөөцөөр баялаг улс орны эдийн засгийн хөгжил нөөц баялагийнхаа хэмжээтэй урвуу хамааралтай байдаг." Симон Кузнейц

"Хүн амын өсөлт баялаг үйлдвэрлэлийн хурдацаас давбал ядуурал үүснэ." Мальтус

"Алга ташуулах гэж бүү улайр, гол хүлээн зөвшөөрөгдөх." Ш.Л.Монтескю

"Нийгмийн амьдралын зөвхөн 10-20 хувийг л хуулиар зохицуулдаг." Х.Тэмүүжин

"Үндсэн хуулийн зорилго бол олонхийн дур зоргоос цөөнхийг хамгаалахад оршино." Иргэн Д.Ламжав

“Монголд 2 зүйл нэн шаардлагатай байна. Тэр нь футурлоги буюу ирээдүй судлал, синергетик буюу аливаа зүйлийг нэгдмэл байдлаар цогцоор авч үзэх хандлага 2 юм.” Ерөнхийлөгч асан Н.Багабанди:
"Нийгмийн ухаан, тодорхой ШУ хоёр бол ИРЭЭДҮЙ судлалын 2 гол багана." Ц.Дэмбэрэл

Эх орны хишиг, эрдэнийн хувийг мөнгөн хэлбэрээр авахыг хүсэхгүй байна.


Саяхан ард түмний дунд УИХ-ын нэгдсэн чуулганаар "Эх орны хишиг" сангийн тухай болон "Эрдэнийн хувийн" тухай хуулийн төслүүдийг нэгтгэсэн төслийг хэлэлцэх гэж байгаатай холбогдуулан нэгэн төрийн бус байгууллагаас сонирхолтой судалгааг www.vip76.mn- сайтын зочдын дунд явуулжээ.

Энэхүү судалгаа нь Та "эх орны хишиг"-ийг ямар хэлбэрээр авахыг илүүд үзэж байна вэ? гэсэн ердөө ганц асуулттай ажээ. Зургадугаар сарын 3-ны өдрөөс эхлэн бүтэн нэг cap үргэлжилсэн судалгаанд нийт 801 хүн оролцсон байна.

Судалгааны дүнгээс харахад судалгаанд оролцогсдын 49.8 хувь буюу 399 нь Эрдэнийн хувь, эх орны хишгийг бэлэн мөнгөөр авах хүсэлтэй байгаагаа илэрхийлсэн бол үлдсэн 51.2 хувь буюу 402 нь мөнгөн бус хэлбэрээр олгох нь зүйтэй хэмээн үзжээ. Харин мөнгөн бус хэлбэрээр авах хүсэлтэй 51.2 хувь иргэдийн 20.6 хувь буюу 165 нь хувьцаа хэлбэрээр авахыг илүүд үзэж, 18 хувь нь буюу 144 нь орон сууц, боловсрол, эрүүл мэндэд хөрөнгө оруулалтаар, 10.1 хувь буюу 81 нь үйлдвэрлэл, дэд бүтцийг хөгжүүлэх хэлбэрээр, 1.5 хувь буюу 12 нь өөр бусад хэлбэрээр иргэдэд хүртээсэн нь илүү үр ашигтай хэмээн үзжээ.

Мөн дээрх судалгаанаас гадна www.vip76.mn- ээс "Эх орны хишиг", "Эрдэнийн хувийн" талаарх таны үзэл бодол, байр суурь мөн та ямар хэлбэрээр авахыг илүү үр өгөөжтэй хэмээн үзэж байгаа талаар хэлэлцье!" гэсэн нэртэй хэлэлцүүлэг сайтын зочдын дунд явуулсан байна. Хэлэлцүүлэгт асуулт хариулт нийлсэн 135 хэлэлцүүлэг иржээ.

Хэлэлцүүлгээс харж байхад Мөнгөн хэлбэрээр авахыг хүсэгчдийн олонх нь санхүү, эдийн засгийн хямралтай энэ хүнд хэцүү цагт мөнгөн хэлбэрээр өгч иргэдийнхээ амьжиргааг дээшлүүлэх хэрэгтэй, нөгөө талаасаа орон сууц, боловсрол, эрүүл мэнд, үйлдвэрлэл, дэд бүтцийг хөгжүүлэх замаар иргэдэд хишиг хүртээх нь оновчгүй, учир нь доод, дээд албан тушаалтнууд нь идээд дуусна гэсэн санал бодолтой байна.

Харин мөнгөн хэлбэрээр авахыг хүсээгүй буюу судалгаанд 51.2 хувийн олонх нь энэ их мөнгийг бэлнээр иргэдэд тараагаад эхэлбэл зах зээл дээрх мөнгөний нийлүүлэлт ихэсч ханш нь унаж, үүнийг дагаад бараа бүтээгдэхүүний үнэ өснө. Ингэхээр 1.5 сая авсны ашиггүй болно хэмээн үзэж байна. Зарим хүмүүс ашиггүйгээр барахгүй ингэж огт болохгүй гэх юм.

Судалгаанаас харахад иргэдийн олонх нь мөнгөн хэлбэрээр өгөх нь үр ашиг муутай гэдэгтэй санал нийлж байна.
Эх сурвалж: http://vip76.mn/

Ард тvмний ухаан буюу орчин vеийн vлгэр


Д.БОЛДХУЯГ
Тулган хvлээлгээгvй нийгмийн эмх журам буюу ардчилсан ертөнцөд олон нийтийн дэмжлэгийг авахгvйгээр хөгжин цэцэглэдэг бизнес, эрх мэдэлд хvрдэг улстөрч байхгvй юм. Ардчилал муу боловч тvvнээс сайныг нь бодож олоогvйн бэрхшээл дундуур хvн төрөлхтөн туучсаар л байна.
Нийгмийн засаглалын бvх эрх мэдэл олон тvмэнд шилжсэн нь ардчиллын ололт боловч “Тvмний тvрэлт” хэмээх vндэстэн, соёлын хамгийн хvнд хэцvv хямралаа Европ туулж байна гэж Х. Ортега Гассет аль 1930-аад онд бичээд барьж идvvлэх дөхөж байсан юм. Олон тvмнээ л дагадаг, угаасаа ялгарах авъяасгvй учраас адилсах, ижилсэх, ихэрсэх дуртай ерөнхий нийтлэг хvмvvсийн дарангуйлал нийгмийг чанараас тоонд шилжvvлж ихэрсэх дуртай ерөнхий хvнээс бvрдсэн тvмэн олны тvрэлтийн “буян”-д Гитлер эрх мэдэлд хvрч, сонгуульчлагдсан дарангуйллыг тогтоож чадсан юм.
Хувь хvний эрх чөлөөг дээдэлсэн “Би”-нvvдийн нийгэм “Бид”-нийх болж, хамт олон, улс vндэстний эрх ашгийн өмнө хvн vнэгvйдлээ. Боловсорсон, хэрсvv Германы ард тvмэн Гитлерийг таньж чадаагvй. Бvгдээрээ хэлэлцвэл буруугvй гээд фашист намыг дэмжин бvлээн усаар тархиа угаалгасныхаа төлөөсөнд дайны нурангид дарагдан хvн төрөлхтөнд адлагдах хувь заяагаа хамтад нь сонгосон юм.
Олон нийт гэж юу вэ? Айдас хvйдэс, баяр баясал, уй гуниг, таашаал талархал зэрэг сэтгэл зvйн хөөрөл, догдлолын vр дагавар юм. Цаг vеийн vйл явдал, бусдын тухай мэдэх, зугаацах гэх мэт сэтгэл зvйн хэрэгцээгээ хангах шаардлагаар буй болдог хөөрлийн жолоо замбараагvй нөлөөлөл. Олон нийт нь Доржоос Дондог, Цэцэгээгээс Цэрмаа хvртэлх бvх хvнийг оруулсан тооны нийлбэр. Нэг талаас Дорж болгон өөрийн бодол, амьдрал ахуй, хувь заяатай хувь хvмvvс. Нийгмийн дунд оршин амьдрахын тулд олноо дагаснаар бие хvний өөрийн оюун ухаан, мэдлэг чадвар нь vнэгvйднэ.
Олон нийт болоод ирэхээр ухамсар биш сэтгэл хөөрөл чухал. Мэдээллийн олон нийт сэтгэл хөөрөл, догдлол, таашаалаараа мэдээг хvлээн авна. Өдөр бvр, цаг тутамд, хором болгонд маш их мэдээлэл, мэдлэгийг хvн өөрөө хvсэхгvй байсан ч хvлээж авсаар байна. Өчигдрийн мэдлэг өнөөдөр гашилж, өглөөний сонин өдөртөө шарлаж байна. Бие хvн нь мэдлэгтэйгээ зөрчилдөж, сэтгэл зvйн хямралуудыг vvсгэж эхэлсэн.
Нийгмийн хvн орь ганцаар орхигдон зожгирсон Робинзон Крузо биш учраас бусадтай хамт оршин амьдрах эрэлт хэрэгцээ, зайлшгvй орчин нөхцөлдөө зохицохын тулд мэдээллийн “дарангуйлал”-д дуулгавартай захирагдаж, хамтач мөн чанараа хангана. Нэг сэдэв, нэг мэдээлэл нийт улс орон даяар тvгж тvvнээс улбаалан тогтсон ойлголтоор дамжин ижилсэнэ. Олон нийтийн санаа бодол компьютерийн “Copy” vйлдэлтэй төстэй байдлаар бvрэлддэг нь ийм учиртай.
Ийм ижилсэх, нийлэгших vйл явц нь бие хvний vvрэг ролийг бvдгэрvvлж, vй олон хvний хамтын санаа бодлыг бvрдvvлэн, оюун ухааны гэхээсээ илvv нийтлэг баяр гуниг, сэтгэл зvйн догдлол өөрчлөлт бvхнийг шийднэ. Зах зээлд эрэлт хэрэгцээ, PR хоёрын аль нь чухал вэ гэсэн асуултад мэргэжилтнvvд сvvлчийнхийг нь сонгож байна. Г.Өсөхбаяр аваргын зурагтай, илvv vнэтэй жvvс заавал ууж байж л амны цангаа нь тайлагдах зайлшгvй хэрэгцээ байхгvй. Мэдээлэл харилцааны менежментээр дамжуулаад хэрэгцээг бий болгочихдог болсон.
Олонхийн ардчилал дийлэнхийн байр суурь, vvрэг нөлөөг улам өсгөж буйг “Тvмний тvрэлт” хууль тогтоомжоос хvчтэй болж байгаагаар тайлбарлаж болдог. Заримдаа шинжлэх ухааны нотолгоо, магадлагаа ч хvчгvйднэ. Алт, зэсийн ордыг зохистой ашиглах эдийн засагчдын санал, сонгодог урлагийг хөгжvvлэх хөтөлбөр, санаачилга глобальчлагдсан олон улсын худалдаа, эдийн засгийн ертөнцөд vр ашигтай ажиллах менежерvvдийн төлөвлөгөө ч бvхнийг мэдэгч бvх нийтийн сэтгэл хөдлөлд нам даруулна.
Үнэндээ олон нийтийн санаа бодол ухамсар гэхээсээ ёс суртахууны vнэлэмжид тулгуурлана. Авлигатай эрэгчин эмэгчнээ vзэлцэгчийн дvрд хувирсан улстөрч “Баатар”-ыг талархан дэмжихдээ хөгжлийг чөдөрлөгч, чөлөөт өрсөлдөөнийг боомилогч нийгмийн vзэгдлийг тас цохих зөв, цэгцтэй бодлоготой байна уу, vгvй юу гэдгийг шvvн тунгаадаггvй гэсэн vг. Муу юмтай тэмцэж байгаа хавчаахай нумтай хvvг шударга гэж таашаадаг нь ёс суртахууны vнэлэмжээр асуудал шийдэгддэгийг нотолж байна.
Олон нийт шударга, ажил хэрэгч, ухаантай хvнийг дэмждэг ёс суртахуунтай ч мэдээллийг, хэр сэтгэгдэл төрvvлэхээр сенсаацтай ч юм гэдгээс нь хамаарч хvлээн авдгаас бус мөн чанарыг нь таних боломж бараг байдаггvй. Муу талын Баатар гараад ирэхээр бvр их сонирхолтой болж сэтгэл зvйн догдлол нийгэмд vvснэ. Ухамсар биш сэтгэл хөдлөл нь гол учраас vлгэр домгийн мэт vйл явдлыг орчин vед энэ мэтээр өрнvvлдэг. Сайн муу талын дvрvvдтэй, vйл явдлуудтай орчин vеийн цуврал vлгэр.
Яг vнэндээ хавчаахай нум авлигач мангасыг намнах чадалтай хэрэгсэл мөн vv, сум нь хэр хол тусдаг юм бэ гэдэг техникийн vзvvлэлтийг сонирхдоггvй юм. Хулгана алж чадахгvй нумтай ч мангастай тулалдахаар явж буй мэт жvжиглэх хvvд амархан хууртчихдаг гэсэн vг.
Мангасуудыг ялахгvй байсан ч, өөрөө ч сэм гулгуулчихдаг тэмцэгчийн дvртэй этгээд огцорч хэлмэгдлээ ч “Муу талынхантай тулалдсаар шархтаж vхэтхийн унасан эрэлхэг эрийн тухай” vлгэр тууль гэмээр сэтгэгдлийг төрvvлэх нөхцөл болдог юм. ДОХ-ын тохиолдол ихсэх тусам бэлгэвч ярьсан улстөрчийн рейтинг өснө. Рейтингээ өсгөхдөө ядаж бэлгэвчийн хэрэглээг нэмэгдvvлснээрээ нийгэмдээ буян vйлдэж байгаа нь тэр.
Хавчаахай нумтай�хvvгийн харагдах дvр төрхийнх нь цаана нөгөө муулаад байсан мангас нь байж буйг цөөн хvн мэдэвч олонхийн дарагуйлалд орно. Үлгэр vнэн байдаггvй ч ортой юм шиг санагддаг, хамгийн гол нь гоё шvv дээ.
Нийгмийн харилцааны өөрчлөлт, мэдээлэлжсэн цаг vе нь хvнийг маш их мэдлэг, мэдээллийг хvлээж авах орчин нөхцөлд оруулсаар байна. Монголын өнөөгийн нийгэм бол олон нийтийн санаа бодол, олонхийн засаглал юм. Тэр олонхийн сэтгэл зvй чухамдаа мэдээлэлд л тvшиглэж бий болдог . Тийм ч учраас мэдээллийн vvрэг, ач холбогдол, vзvvлэх нөлөө өсөн нэмэгдсээр байгаа.
Чухам эндээс Олон нийтийн мэдээллийн хэрэгслийн нийгмийн өмнө хvлээсэн бодит мэдээллийг тvгээх, төрийг хянах, гэгээрvvлэх vvргийн чухлыг давхар нотолж болох юм. Хэвлэл хэзээд олон нийтийн талд зогсож, vнэний хойноос хөөцөлдөж байж засгийн эрхийг барих ард тvмний эрх хэрэгжинэ. Үvний хамт иргэний гэгээрэл хамгийн чухал нь юм. Иргэншсэн хvмvvсээс бvрдсэн нийгэм бодит байдлыг vлгэр туулиас ялгаж чадна.
Хvнээс илvv капитал гэж vгvй. Ялагдсан Герман дэлхийн гурав дахь хvчирхэг эдийн засагтай болж, дайны нурангин дороос өндийсөн байхад ялсан баатар Орос яагаад тvvнээс хоцорсон юм бэ? Дайнд ялагдсан өвгөн герман цэрэг Хайнц ялсан баатар Иванд өмсч байсан өмдөө өгөөмөр тусламж болгон явуулахад хөөрхий ахмад дайчин гутарсандаа амиа хорлосны учир юу вэ? Ерөөсөө л хөгжсөн хvн. Баялгийг бvтээх, мөнгийг шингээх чадвартай хvмvvс. Баяжиж таргалах, хvн шиг амьдрах явцуу эрх ашгаа гvйцэлдvvлэх таатай орчин, тэдний амьдралд бага оролцдог төр.
Үлгэр сэтгэл уяраам, нvд баясгам, энэлэн шаналам байхын хэрээр vйл ажиллагаа, vр дvн, бодит дvгнэлт тvvний ард нуугдана. Авлигатай тэмцсэн дvрд хувирсан л бол vйлдэл болоогvй vг, vр дvнд хvрээгvй хоосон ярианы хариуцлагыг бvдгэрvvлэн замхруулж чадна. Ажлын тайлан, амжилт дутагдлыг шvvн хэлэлцэхээс зугтаалгана.
Хэн нэг улстөрчийн санаачилгаар улстөрийн мэтгэлцээн өрнөсөөр байвал тvvний хэлмэгдсэн баатрын хөшөө шиг дvр төрхийг дэмжин зvглэх ардын мөр арилахгvй. Рейтингийн нууц гэж энэ. Гэхдээ өсгөхөөс барих хоёр дахин хэцvv. Огцом, хуурамчаар өссөн рейтинг унах нь зvй тогтол. Эхлээд албан хаагч, улстөрийн хvрээ, сэтгvvлчдийн дунд унаж эхэлнэ. Тэндээс их уналт хавтгайдаа тархана.
Ийм рейтингийг PR бvтээдэг нь ч vнэн. Манайхан хар PR гэж их бичиж байна. Үнэндээ хар цагаан байтугай юу юм гэдгийг нь сайн мэдэхгvй л дээ. Мэдээллээр дамжуулж дvр төрхийг нь хvлээн авч, олонхиороо сонголтоо хийдэг нийгэмд хэн нь vнэхээр төрд хэрэгтэй юм, аль нь худалч, хэрэггvй юм гэдгийг ойлгомжтой, бодлоготой төлөвлөлттэй, ур чадвартай хэлж өгч, олон тvмний сонголтод тусалдаг арга зvй. Улстөрчдийн хэн болохыг сонгогчид нь байтугай насаараа хамт амьдарч байгаа эхнэр нь ч бvрэн таньж мэдээгvй л байдаг.
Сэтгvvлчдэд байдаг шиг ёс зvйн код PR-чдад хэрэгтэй байгаа. Төрд хэрэгтэй, тvмэнд ашигтай хvнээ итгэл vнэмшлээрээ дэмждэг, тvvний мөн чанарыг, давуу талыг ойлгуулах PR-ын загалмайлсан эцэг нь алдарт Жорж Вашингтон, Томас Жефферсон нар юм. Тэд vнэн ч бай, худал ч бай зөвхөн ил тодоор өрсөлдсөн цагт л vнэн нь vнэн болж чаддаг гэж vзэж байсан юм. Сэтгэл нь хөдөлсөн “Тvмний тvрэлт”-ийг зогсоож иргэншсэн, хөгжсөн хvмvvсийн тvрлэг эхэлвээс манай ардчилал маш сайн бэхжинэ.

ХЯМРАЛЫН ҮЕД Ч НИЙГЭМ СУДЛААЧДЫН ОРОЛЦОО ОРХИГДСООР...

О. Баасантогтох |Философи социологи эрхийн хүрээлэнгийн социологич|
Эдийн засаг, санхүүгийн хямрал нүүрлэн буй энэ үед олон улсын хэмжээнд төдийгүй төрийн эрх барих дээд байгууллага, аж ахуйн нэгж, хувь хүн бүр өөрт нь тулгамдаж буй асуудлаа дор бүрнээ эрсдэл багатайгаар даван туулахыг эрмэлзэж байгаа нь лавтай. Гэсэн хэдий ч энэхүү хүнд нөхцөлд бие даасан арга хэмжээ төдийлөн үр дүнтэй бус гэсэн байр суурийг зарим хүмүүс дэвшүүлж байна. УИХ, Засгийн газар, нам эвслийн (эдийн засгийн эрдэмтдийн хамт) оролцоо, дэмжлэгтэй хямралаас гарах арга замыг сүвэгчилсэн хурал зөвлөгөөн зохион байгуулж, тодорхой төлөвлөгөө гарган ажиллаж байгаа нь цаг үеэсээ хоцорсон ч оновчтой, зөв алхам гэдэгтэй санал нийлэх нь зүйтэй. Гэвч ажлын хэсгийн бүрэлдэхүүн, хурал зөвлөгөөнд оролцогчдыг ажил, мэргэжлээр шүүн харвал зарим шаардлагатай мэргэжилтнүүдийг (ялангуяа нийгэм судлаачид) орхигдуулсан нь харагдана. Энэ нь төрийн эрх барих дээд байгууллага, албан тушаалтнуудын нийтлэг алдаа юм.

Шилжилтийн үеэс хойш төрийн удирдах байгууллагын түвшинд нийгэм судлаачдыг төдийлөн ойшоон авч үздэггүй байсан нь улс орны өмнө тулгамдаж буй хямралыг даван туулах энэ үед ч давтагдаж байгаа нь нэн харамсалтай. Нийгэм, түүний хөгжлийн үндэс, ирээдүйн баталгаа суурь нь ард иргэд гэдгийг үл ухамсарлан, тэдэнд ямар асуудал, юунаас болж үүссэн хийгээд яаж шийдвэрлэх вэ? гэдгийг тодорхой шинжлэх ухааны үндэстэй судалсны үндсэн дээр үйл ажиллагааны чиглэл, төлөвлөгөөгөө гарган ажилладаггүй. Энэ үед хэнд, юу хэрэгтэйг нь тооцохгүйгээр хөрөнгө зарцуулах нь одоогийнхоос ч илүү хүнд байдалд хүргэж болзошгүй.

Төрийн удирдах дээд байгууллагын томоохон алдааг нэгэн жишээгээр тайлбарлахад: Төсвийн хөрөнгийн багагүй хэсгийг олон төрлийн нийгмийн халамжинд (эхийн одонгийн мөнгө, хүүхдийн үдийн хоол, цэцэрлэгийн хоолны мөнгө, шинэ гэр бүлийн 500, хүүхдийн 3000, 25000 төг, ямааны мөнгө) зарцуулж байна. Мэдээж ард түмэн мөнгө авах сонирхолтойдоо аваагүй (гэхдээ зүгээр өгч байгаа юмыг хэн цааш гэхэв дээ?) улс төрийн нам хүчнүүдийн сонгуульд ялах гэсэн санааны илрэл нь төсвийн хөрөнгийг үр ашиггүй зарцуулахад хүргэсэн. Хэрэв нийгмийн асуудлаар хийгдсэн олон төрлийн судалгааг төрийн өндөр албан тушаалтан, шийдвэр гаргагчид үр дүнтэй ашигладаг бол ард түмний орлогийг (өмнө хийгдсэн олон удаагийн судалгаанд үндэсний үйлдвэрлэлийг хөгжүүлэх, ажлын байр бий болгох тухай санал багагүй хувьтай дурдагдсан байдаг) нэмэгдүүлэх, нийгэм эдийн засгийн хөгжилд үнэтэй хувь нэмэр оруулах өргөн боломж байсан. Эдгээрийг арга хэмжээг авч хэрэгжүүлсэн бол нам хүчнүүд олны дэмжлэгийг хүлээх нь дамжиггүй байлаа.

Нийгэм судаачдын хувьд 1990 оноос хойш монголын нийгмийн амьдралд өрнөж буй бүхий л асуудлыг цэгцтэй судлаж, шинжилсэн. Энэхүү нөөц бололцоог одоогийн тулгамдаж буй асуудлыг даван гарах арга замыг тодорхойлоход зөв зүйтэй ашиглах хэрэгтэй.

2004 оны Засгийн газар байгуулагдах үеэс улс орны амьдралын талаар ул суурьтай судалгаа хийж нийгэм-эдийн засгийн талаар ард түмний байр суурь, амьдралын түвшнийг нь судалж холбогдох байгууллагуудад мэдээлж байсан боловч төрийн удирдах албан тушаалтнуудын зүгээс үл тоомсорлосон явдал нь цаг хугацааны явцад алдаатай, алдагдалтай ажиллахад хүргэсэн. Байдал бүр мөсөн хүндрээгүй байгаа энэ үед хямралыг эрсдэл багатай даван туулахын тулд нийгэм судлаачид төдийгүй бусад салбарын мэргэжилтэн, судлаачидтай хамтран ажиллаж, тэдний заавар зөвлөгөөг сонсож ажиллах нь төсвийн хөрөнгийг шаардлагатай зүйлд (хэнд, хаана, юу хэрэгтэйг тодорхойлох) нь зарцуулж, нийгэм-эдийн засгийн асуудлаар зөв бодлого баримталж ажиллахад илүү үр дүн үзүүлэх нь лавтай.

Ер нь үндэстний сэхээтэн, эрдэмтэдийн саналыг үл тоомсорлож гадаадынхны зөвлөгөө, зааварыг урьтал болгодогоо төр, засаг, намууд хэзээ болих юм бол доо?!